«Aqqu Resort & Camp» – مەملەكەت باسشىسى ق.توقاەۆتىڭ تۋريزم مەن وڭىرلىك ينفراقۇرىلىمدى دامىتۋ جونىندەگى تاپسىرمالارىن جۇزەگە اسىرۋ اياسىندا ىسكە اسىرىلعان جۇمىستاردىڭ ءبىرى, ءوڭىردىڭ تۋريستىك ينفراقۇرىلىمىن دامىتۋداعى ماڭىزدى باستاما. كوپفۋنكتسيونالدى فورماتتا جۇمىس ىستەيتىن كەشەن جاز مەزگىلىندە 300–350 بالاعا ارنالعان «Aqqu Camp» بالالار لاگەرى رەتىندە, قالعان ۋاقىتتا كۋرورتتىق, كورپوراتيۆتىك دەمالىس ورتالىعى رەتىندە قىزمەت كورسەتەدى. ينۆەستوردىڭ جەكە قاراجاتى ەسەبىنەن سالىنىپ جاتقان كەشەن اۋماعىندا زاماناۋي تۇرعىن كورپۋستار, ەرەسەكتەر مەن بالالارعا ارنالعان ەكى اشىق باسسەين, 50 ورىندىق كينوزال, فۋتبول الاڭى مەن سپورتتىق ايماقتار, مەديتسينالىق پۋنكت, مەيرامحانا ورنالاسقان. نىسان 100-دەن استام ادامدى جۇمىسپەن قامتيدى.
– جاڭا دەمالىس ورىندارىنىڭ اشىلۋى تۇرعىنداردىڭ ءومىر ساپاسىن جاقسارتۋعا, بالالار مەن جاستاردىڭ بوس ۋاقىتىن ءتيىمدى ۇيىمداستىرۋعا مۇمكىندىك بەرەدى. «Aqqu Resort & Camp» زاماناۋي, قاۋىپسىز ءارى شابىت سىيلايتىن جاڭا دەمالىس كەڭىستىگىنە اينالادى دەپ سەنەمىن, – دەگەن ماڭعىستاۋ وبلىسىنىڭ اكىمى نۇرداۋلەت قيلىباي جاڭا كەشەننىڭ اشىلۋى ءوڭىردىڭ الەۋمەتتىك-ەكونوميكالىق دامۋىنا, تۋريزم سالاسىنا جاڭا سەرپىن بەرەتىنىن اتاپ
ءوتتى.
ماڭعىستاۋ وڭىرىندە قولعا الىنعان جاقسى جوبا, تىڭ باستامالار از ەمەس. تەڭىز جاعالاۋىنان اشىلعان زاماناۋي دەمالىس ورنى ءارى بالالار لاگەرى – سونىڭ ءبىرى.
ماڭعىستاۋ وبلىسى
