مايدانگەرلەر ماراپاتتالدى

شىعىس وڭىرىندە بىرقاتار ارداگەر مەملەكەتتىك ناگرادالارمەن ماراپاتتالدى. ايماق باسشىسى دانيال احمەتوۆ ۇلى وتان سوعىسىنىڭ ارداگەرلەرى مەن ولارعا تەڭەستىرىلگەن تۇلعالارعا جانە مايداندا مەرت بولعانداردىڭ رۋحىن جاڭعىرتۋ جۇمىستارىنا ۇلەس قوسقان ارداگەرلىك ۇيىمداردىڭ مۇشەلەرىنە سالتاناتتى تۇردە مەملەكەتتىك ناگرادالاردى تاپسىردى. اتاپ ايتقاندا, گەورگي گۋدكوۆ, كونستان­تين گۋسلەۆ, سالىق  سابيليانوۆ,  گريگوري سەۆەرۋشەنكوۆ, توقتاعازى تىلەۋباەۆ, انا­تو­لي كوروتكوۆ ەسىمدى سوعىس جانە ەڭبەك ارداگەرلەرى «قۇرمەت» وردەنىمەن ماراپات­تالدى. ولاردىڭ بەسەۋى لەنينگرادتى, بە­لورۋسسيانى, كۋرسك دوعاسىن جانە جاپونيانى ازات ەتۋگە قاتىسقان مايدانگەرلەر بولسا, اناتولي كوروتكوۆ لەنينوگورسك كومبيناتىندا 38 جىل ەڭبەك ەتكەن تىل ارداگەرى. سونداي-اق, جاپونيانى ازات ەتۋ ۇرىستارىنا قاتىسقان سوعىس ارداگەرى ەلەۋسىز قيىنباەۆ جانە تىل ارداگەرلەرى كلاۆديا گاۆريلكو مەن ماريا كولماكوۆا «ەرەن ەڭبەگى ءۇشىن» مەدالىمەن, مايرا باعداتوۆا, توكەن بۇلقانوۆ جانە مەملەكەتتىك قىزمەتكە شيرەك عاسىر عۇمىرىن ارناعان تولەۋحان ابىلقاسىموۆ قازاقستان رەسپۋبليكاسىنىڭ قۇرمەت گراموتاسىمەن ماراپاتتالدى. – ارداگەرلەر – ەلىمىزدىڭ ماقتانىشى. ەرلىكتەرىڭىز بەن ەل ءۇشىن ەتكەن ەڭبەكتەرىڭىز – بولاشاققا قادام باسقان جاس ۇرپاققا ۇلگى-ونەگە. كەلەشەك بۋىن سىزدەر جازعان ەرلىك پەن ەڭبەك شەجىرەسىنەن زور تاعىلىم الادى, – دەدى د.احمەتوۆ. سونداي-اق, ءوڭىر باسشىسى سوعىس اردا­گەرلەرى جاناق تۇرعىمباەۆ پەن ۆياچەسلاۆ ماماەۆتىڭ شاڭىراعىندا بولىپ, قاريا­لاردى جەڭىس كۇنىمەن قۇتتىقتادى. جالپى, ۇلى وتان سوعىسى جىلدارى شىعىس قازاقستاننان مايدان دالاسىنا 170 مىڭ ادام اتتانىپ, ونىڭ 96 مىڭى تۋعان جەرىنە ورالماعان ەكەن. شىعىسقازاقستاندىق 109 جاۋىنگەر مەن وفيتسەر كەڭەس وداعىنىڭ باتىرى اتاعىنا يە بولسا, 22 جاۋىنگەر ەڭ جوعارى سارباز ناگراداسى – «داڭق» وردەنىنىڭ تولىق كاۆالەرى اتاعىنا يە. سونداي-اق, وبلىستىڭ 9 مىڭ تىل ارداگەرى « ۇلى وتان سوعىسىنداعى ەرەن ەڭبەگى ءۇشىن» مەدالىمەن ماراپاتتالعان. بۇگىندە وڭىردە 579 ۇلى وتان سوعىسىنىڭ ارداگەرى مەن 27 468 تىل ارداگەرى بار. شىعىسقازاقستاندىق ارداگەرلەرگە بيۋدجەت كوزدەرىنەن 500 مىڭ تەڭگە كولەمىندە ءبىر مەزەتتىك اقشالاي تولەم تابىس ەتىلدى. سونىمەن قاتار, وبلىستىق بيۋدجەت ەسەبىنەن شيپاجايلار مەن دەمالىس ورىندارىنا تەگىن جولداما بەرىلدى. دۋمان اناش, «ەگەمەن قازاقستان». وسكەمەن.