جالپى قۇنى 1 ملرد تەڭگەگە جۋىق قوس جوبا مەملەكەتتىك بيۋدجەت ەسەبىنەن قارجىلاندىرىلىپ, قۇرىلىس جۇمىستارىن «تەمىر ستروي سەرۆيس ي كو» جانە «پىراق-قۇرىلىس» جاۋاپكەرشىلىگى شەكتەۋلى سەرىكتەستىكتەرى اتقاردى.
سالتاناتتى ءىس-شاراعا قاتىسقان اۋدان اكىمى ەرنار ەسىركەپوۆ بۇل جۇمىستاردىڭ مەملەكەت باسشىسى قاسىم-جومارت كەمەل ۇلى توقاەۆتىڭ «حالىق ۇنىنە قۇلاق اساتىن مەملەكەت» تۇجىرىمداماسى مەن 2025 جىلدىڭ سوڭىنا دەيىن ەلدى مەكەندەردى تولىق اۋىزسۋمەن قامتۋ جونىندەگى تاپسىرماسى اياسىندا جۇزەگە اسقانىن اتاپ ءوتتى.
بۇعان دەيىن تۇرعىندار تىرشىلىك ءنارىن كوشە باسىنان تاسىپ ىشسە, ەندى ءار ۇيگە دەيىن تارتىلعان تازا سۋدىڭ يگىلىگىن كورۋدە. اۋىل اقساقالدارى مەن تۇرعىندار قۋانىشتارىن جاسىرا الماي, جاڭا نىساننىڭ ىسكە قوسىلۋىنا اتسالىسقان ازاماتتارعا العىس ايتىپ, اق باتالارىن بەردى.
ايتا كەتسەك, سوڭعى ءۇش جىلدا اۋدان اۋماعىنداعى ونداعان ەلدى مەكەن ورتالىقتاندىرىلعان اۋىز سۋمەن قامتىلعان. ال جىل سوڭىنا دەيىن تاعى ءۇش نىسان — شوڭگەر, قۇلان جانە ر. سابدەنوۆ اۋىلدارىن تازا سۋمەن قامتۋ جوسپارلانعان.
ەسكە سالا كەتسەك, ءبىراز ۋاقىت بۇرىن «Egemen Qazaqstan» گازەتىنىڭ ءتىلشىسى ءدال وسى سوگەتى مەن ماماي اۋىلدارىنىڭ اۋىز سۋدان تارىققانىن العا تارتىپ, «قىزىل قۇرت ارالاسقان سۋ ءىشىپ وتىر» تاقىرىبىمەن ماقالا جازعان بولاتىن.
جامبىل وبلىسى
تۇرار رىسقۇلوۆ اۋدانى.
