قوستانايدا جول اپاتىنان 4 ادام قازا بولدى

قوستاناي. 19 اقپان. قوستاناي وبلىسىنىڭ دەنيسوۆ اۋدانىنان وتەتىن «قوستاناي-قارابۇتاق» تاس جولىنىڭ بويىندا اۋىر جول-كولىك وقيعاسى ورىن الدى. بىردەن 4 ادام قازا بولدى. بۇل تۋرالى egemen.kz ءتىلشىسى حابارلادى. «حيۋنداي سولاريس» ماشيناسىن جۇرگىزىپ كەلە جاتقان 1988 جىلى تۋعان وزبەكستان ازاماتى رۋلگە يە بولا الماي, قارسى بەتكە شىعىپ كەتىپ, كەلەسى باعىتتا كەلە جاتقان «دايملەر بەنتس» اۆتوكولىگىنە سوقتىعىسادى. سونىڭ سالدارىنان «حيۋنداي سولاريس» ماشيناسىنىڭ 4 جولاۋشىسى ءتىل تارتپاي كەتتى. بارلىعى دا 1986-1991 جىلدارى تۋعان جاستار, ۇشەۋى وزبەكستان, بىرەۋى قازاقستان ازاماتى. وسى كولىكتىڭ ءبىر جولاۋشىسى اۋىر حالدە دەنيسوۆ اۋدانىندىق اۋرۋحاناسىنا جەتكىزىلدى, ءالى ەسىن جيعان جوق. ال «دايملەر بەنتس» كولىگىنىڭ 1955 جىلى تۋعان جۇرگىزۋشىسى دە, ەكى جولاۋشىسى دا ءدىن امان. جەڭىل جاراقاتتارى بار, ءبىر جولاۋشىعا ءتىپتى سىزات تۇسپەگەن. ءنازيرا جارىمبەتوۆا. دەرەك, سۋرەت: egemen.kz.