«قازاقستان رەسپۋبليكاسى ۇلتتىق ەكونوميكا ءمينيسترىنىڭ 2017 جىلعى 1 اقپانداعى №36 بۇيرىعىمەن بەكىتىلگەن قوعامدىق ماڭىزى بار نارىقتارداعى باعا بەلگىلەۋ قاعيدالارىنا جانە قر ۇەم تابيعي مونوپوليالاردى رەتتەۋ كوميتەتى دەپارتامەنتىنىڭ 2025 جىلعى 1 قازانداعى №27-03-09/775 حاتىنا سايكەس, 2025 جىلعى 1 قىركۇيەكتەن باستاپ قولدانىسقا ەنگىزىلگەن تاۋارلىق گازدىڭ بوساتۋ باعالارى قوسىلعان قۇن سالىعىنسىز (گاز تاراتۋ جۇيەلەرى ارقىلى تاسىمالداۋ ءتاريفىن ەسكەرە وتىرىپ) كەلەسىدەي بولىپ بەكىتىلدى:
1. حالىق ءۇشىن – 20 128,66 تەڭگە (1000 م³ ءۇشىن);
2. مەملەكەتتىك اتاۋلى الەۋمەتتىك كومەك جانە (نەمەسە) تۇرعىن ءۇي كومەگىن الاتىن حالىق – 15 905,36 تەڭگە;
3. وزگە زاڭدى تۇلعالار ءۇشىن – 29 731,67 تەڭگە.
قازاقستاندا 2026 جىلعى 1 قاڭتارداعى جاعداي بويىنشا ەنگىزىلگەن موراتوريگە بايلانىستى, جوعارىدا كورسەتىلگەن بوساتۋ باعالارى وزگەرىسسىز قالادى» دەلىنگەن حابارلامادا.
ايتا كەتەيىك, وڭىردە بۇعان دەيىن جەكە تۇتىنۋشىلار ءۇشىن تاۋارلى گازدى بوساتۋ باعاسى 1 مىڭ تەكشەمەتر ءۇشىن – 23 914,59 تەڭگە بولاتىن. قازاقستان رەسپۋبليكاسى پرەمەر-ءمينيسترىنىڭ ورىنباسارى – ۇلتتىق ەكونوميكا ءمينيسترى سەرىك جۇمانعاريننىڭ تاپسىرماسىنا سايكەس, 2025 جىلعى 1 قىركۇيەكتەن باستاپ حالىق ءۇشىن تاۋارلىق گازدىڭ بوساتۋ باعاسى قوسىلعان قۇن سالىعىنسىز 20 128,66 تەڭگە كولەمىندە بەكىتىلدى.
باتىس قازاقستان وبلىسى
