جاڭا بۋىننىڭ كوزقاراسى مەن تانىمى

اقەركە يسكاندەروۆا,

«جاستار رۋحى» جق توراعاسى:

ۇلتتىق مەرەكەگە قىزىعۋشىلىق ارتتى

كەيىنگى جىلدارى جاستار رەس­پۋبليكا كۇنىن جەكە دەمالىس رەتىندە عانا ەمەس, ءوزىنىڭ ەل ال­دىنداعى ورنىن سەزىنىپ, ازا­­مات­تىق بەلسەندىلىگىن كور­سە­تۋگە مۇم­كىندىك رەتىندە قابىل­داي باستادى. بۇل رەتتە «جاس­تار رۋحى» جاستار قاناتى جىل سايىن رەسپۋبليكا كۇنىنە وراي كەڭ اۋقىمدى ءىس-شارالار ۇيىم­داستىرادى. بيىل دا داستۇردەن جاڭىلماي, 3 قالا مەن 17 وبلىس­تىق فيليالدا ءبىر مەزەتتە وتەتىن مازمۇندى ءىس-شارالار كەشەنى دايىن­دالدى. سونىڭ ىشىندە ەرەكشە اتاپ وتەرلىگى – «مەنىڭ ەلىم – مەنىڭ تۋىم» اتتى پاتريوتتىق باستاما.

اكتسيا – جاستاردىڭ بويىنداعى ەلگە دەگەن سۇيىسپەنشىلىكتى, ماقتانىش سەزىمىن نىعايتاتىن ناقتى ارەكەت. بىلتىر العاش رەت «Amanat» پارتياسىنىڭ ورتالىق اپپاراتىندا ەلىمىزدىڭ ەڭ ۇلكەن تۋى (24×12م) ءىلىنىپ, بۇكىل رەسپۋبليكاعا اسەرلى ءرامىز  رەتىندە تانىلدى. بۇل تۋ كەيىننەن جاۋاپتى فۋتبول ماتچتارىندا, حالىقارالىق دەڭگەيدەگى كونتسەرتتەردە, ونىڭ ىشىندە ديماش قۇدايبەرگەننىڭ ونەر كەشىندە جەلبىرەپ, رۋح پەن بىرلىكتىڭ كورىنىسىنە اينالدى.

بيىل العاش رەت رەسپۋبليكا­لىق دەڭگەيدە تاريحي ورىندارعا, مۋزەيلەر مەن ەسكەرتكىشتەرگە ارنايى ەكسكۋرسيالار ۇيىمداس­تىرىلىپ وتىر. مۇنىڭ ءبارى ۇرپاقتىڭ ىشكى رۋحاني وزەگىن قالىپتاستىرۋدى كوزدەيدى. ال ۇلتتىق سانا, ازاماتتىق جاۋاپكەرشىلىك, تاريحي جادسىز ەل بولۋ مۇمكىن ەمەس. جاستار قاناتىنىڭ مىندەتى – جاستاردىڭ سانا-سەزىمىن وياتۋ, وي سالۋ.

جاندوس اقتاەۆ,

«Esbol Qory» قوعامدىق قورىنىڭ توراعاسى:

ەل ەرتەڭى – سەرگەك سانادا

رەسپۋبليكا كۇنى – جاي عانا مەرەكە ەمەس, ۇلتتىڭ تاعدىرىنا, ەلدىڭ ەرتەڭىنە دەگەن جاۋاپكەرشىلىكتى ەسەلەي تۇسەتىن كۇن. 35 جىل بۇ­رىن قا­بىلدانعان ەگە­مەن­دىك دەكلاراتسياسى – حالقى­مىز­دىڭ عاسىرلار بويى اڭساعان تاۋەل­سىزدىك ارمانىنا جول اشقان تاريحي قادام. سوندىقتان 25 قازان – بۇگىن­گى جەتىستىكتەرىمىزدى باعالاپ, ەلدىك مۇراتتى كەلەر ۇرپاققا امانات ەتۋ مىن­دەتىن ەسكە سالاتىن ايتۋلى كۇن.

بۇگىندە مەملەكەتتىڭ بولاشاعى شەكارامەن, ساياسي دەربەستىكپەن نە زاڭدىق مارتەبەمەن ولشەنبەيدى. قازىر الەمدەگى قاۋىپ-قاتەر سانا كەڭىستىگىنەن باستالادى. دەمەك ناعىز ەگەمەن ەل بولۋ – رۋحاني, الەۋمەتتىك جانە فيزيولوگيالىق تاۋەلسىزدىككە جەتۋ, ءار ازاماتتىڭ ەركىن ويلاپ, ەركىن ءومىر سۇرە الۋى دەگەن ءسوز.

ەل ەگەمەندىگىن قورعاۋدىڭ جاڭا فورماسى – جاستاردىڭ ساناسىن قورعاۋ. ال ناشاقورلىق, ينتەرنەت ارقىلى تارالاتىن بۇلدىرگى يدەولوگيالار مەن تاۋەلدى مىنەز-ق ۇلىق – ۇلت بولاشاعىنا تونگەن ەڭ كۇردەلى قاۋىپ. «Esbol Qory» وسى باعىتتا بىرنەشە جىل قاتارىنان جۇيەلى جۇمىس جۇرگىزىپ كەلەدى. ءبىز تەك ناشاقورلىقتىڭ الدىن الۋ ەمەس, جالپى سالاماتتى ءومىر مادەنيەتىن قالىپتاستىرۋدى ماقسات ەتەمىز. ءتول جوبالارىمىزدىڭ باسىم بولىگى جاس بۋىننىڭ قۇقىقتىق, قارجىلىق جانە مەديا ساۋاتىن ارتتىرۋعا, ءوز ومىرىنە جاۋاپكەرشىلىكپەن قاراۋعا باعىتتالعان. وسىلايشا, ءبىز تسيفرلى زاماندا ۇلتتىق سانانى نىعايتىپ, مەملەكەتتىڭ رۋحاني ىرگەسىن بەكىتەمىز.

نۇراسىل بەكماتوۆ,

«Jasyl el» جاستار ەڭبەك جاساقتارى رەسپۋبليكالىق شتابىنىڭ باسشىسى:

جاۋاپكەرشىلىكتىڭ ورنى بولەك

رەسپۋبليكا كۇنى – جاستار ءۇشىن ءوز ەلىنىڭ تاعدىرىنا بەيجاي قاراماۋعا شا­قىراتىن, ەل مۇد­­دەسىن قورعاۋعا جىگەر بەرەتىن مەرەكە. ماڭىزدى داتا – ءار جاسقا: «مەن – قا­زاق­­ستاننىڭ ازاماتى رەتىندە ەلىمە قان­داي ۇلەس قوسىپ ءجۇرمىن؟» دەگەن وي تۋ­دى­رادى. مىنە, بۇل ەلگە, جەرگە دەگەن سۇيىسپەنشىلىكتى قالىپتاستىرادى. «Jasyl el» قوزعالىسىنىڭ باستى ميسسياسى دا وسى – پاتريوتتىق سەزىمدى ناقتى ىسكە اينالدىرۋ, جاستاردىڭ الەۋەتىن ەل يگىلىگىنە باعىتتاۋ.

2005 جىلدان بەرى قوزعالىس ەل جاس­تارىن تابيعاتتى قورعاۋ, اباتتاندىرۋ, كوگالداندىرۋ جۇمىسىنا جۇمىلدىرىپ كەلەدى. مىڭداعان جاس تەك تابيعاتتى قورعاپ قويماي, وتانسۇيگىشتىك پەن ەڭبەكقورلىققا تاربيەلەندى. بۇل – ەڭ الدىمەن ەڭبەككە, ۇلتقا, جەرگە دەگەن قۇرمەتتى ۇيرەتەتىن ۇلكەن مەكتەپ.

الىشەر سادىق,

اقتوبە قالالىق جاستار رەسۋرستىق ورتالىعىنىڭ باسشىسى:

ءتول قۇندىلىقتاردى قاستەرلەيمىز

قازىرگى تاڭدا جاس­تار تاۋەلسىزدىككە ارقاۋ بولعان مە­رەكەنى ۇلكەن ىلتي­پاتپەن قابىل­داي­­دى. ويتكەنى جاس بۋىن ەلىمىزدىڭ ەگە­مەن­دىگى, جالپى ءتول قۇن­دى­لىق­تا­رىمىزدى ومىرشەڭدىگى ءۇشىن بەلسەندى ارە­كەت ەتىپ ءجۇر. ولاردىڭ ءبىلىم, عىلىم, مادەنيەت جانە سپورت سالا­لارىنداعى جەتىس­تىكتە­رىن ءجيى كورە­مىن. شەتەلدە جۇرسە دە, تۋعان ەلىنىڭ اتىن اسقاقتاتىپ جۇرگەن جاس­تا­رىمىزدىڭ تابىسى – ءبارىمىز ءۇشىن زور ماق­تانىش. بۇل – تاۋەلسىز ەلدىڭ جاڭا بۋى­نى­نىڭ قانداي دەڭگەيگە كوتەرىلگەنىنىڭ ايعاعى.

بۇرىن ۇلتتىق كيىم تەك ناۋرىز مەرە­كەسىندە كيىلسە, قازىر قوعامنىڭ كوزقاراسى وزگەردى. ول كۇندەلىكتى وبرازعا اينالدى. بۇل رەتتە جاستاردىڭ ۇلەسى باسىم. ءوزىم ون جىل بويى «جۇرەكتەن جۇرەككە» ەرىكتىلەر توبىندا قىزمەت ەتتىم. بۇل – تازا قوعامدىق باعىتتاعى جۇمىس. سول ارالىقتا ءتۇرلى قايىرىمدىلىق اكتسيالارى, سپورتتىق تۋرنيرلەر مەن مادەني ءىس-شارالار ۇيىمداستىرىپ, قارجى جيناپ, قيىن جاعدايداعى وتباسىلارعا ازىق-ت ۇلىك, كيىم-كەشەك, ءدارى-دارمەك جەتكىزدىك, كەيبىرىنە باسپانا الۋعا دا جاردەمدەستىك. وسىنداي ىستەر ارقىلى تالاي ادامنىڭ ومىرىنە ءۇمىت سىيلادىق.

قازىرگى جاستاردىڭ باستى ەرەكشەلىگى دە سول – ولار بەلسەندى ومىرلىك ۇستانىم­دى قولدايدى, قوعامعا پايدالى بولۋدى كوبىرەك ويلايدى. مەنىڭشە, مەرەكەلەر­دىڭ ءباسىن بيىكتەتە تۇسەتىن دە – وسى دۇنيە­لەر.

اقنۇر تۇرداليەۆا,

«جاس ۇلان» بىرىڭعاي بالالار مەن جاسوسپىرىمدەر ۇيىمى» رەسپۋبليكالىق قوعامدىق بىرلەستىگىنىڭ باسشىسى:

تاربيە – تالبەسىكتەن

ەگەمەندىك دەكلاراتسياسى – ۇلتتىڭ ءوز تاعدىرىن ءوزى شە­شۋگە, ءوز بولا­شاعىن ءوزى قۇرۋ­عا بەرىلگەن مۇم­كىندىك. ال بۇگىنگى بولاشاقتىڭ يەسى – جاس ۇرپاق. سوندىق­تان تاۋەل­سىز ەلدىڭ ىرگەتاسى ۇرپاق تاربيەسى­نەن باستاۋ الۋى زاڭدىلىق. وسى تۇرعى­دا ەلىمىزدەگى ەڭ ءىرى بالالار مەن جاسوس­پىرىمدەر قوزعالىسى – «جاس ۇلان» بىرىڭعاي بالالار مەن جاسوسپىرىمدەر ۇيىمىنىڭ جۇمىسى ەگەمەندىكتىڭ ءمانىن تەرەڭ ۇعىندىرۋعا جانە ۇلتتىق سانانى قالىپتاستىرۋعا باعىتتالىپ كەلەدى.

ءبىزدىڭ ۇيىم 2011 جىلدان باس­تاپ ءار وڭىردەگى مىڭداعان مەكتەپ وقۋ­شى­لارىن بىرىكتىرىپ, ەلجاندىلىققا, ەڭبەك­سۇيگىشتىككە, جاۋاپكەرشىلىككە باۋلىپ كەلەدى. بۇگىندە ۇيىمنىڭ قاتارىندا
3 ميلليوننان اسا جاسۇلاندىق بار.

بۇگىنگى جاس ۇلان – ەرتەڭگى ەل تىرەگى. ءبىز تاۋەلسىز ەلدىڭ ەرتەڭىن سەنىمدى قولدا قالدىرۋ ءۇشىن ەڭبەك ەتەمىز. بالا­لاردىڭ بويىنداعى ەرىك-جىگەر, ىزدە­نىس پەن شىعارماشىلىقتى دامىتا وتىرىپ, ادال ويلى, ءادىل مىنەزدى, مەيى­رىم­دى دە جاۋاپ­كەر­شىلىگى باسىم ۇرپاق تاربيە­لەي­مىز.

دايىنداعان –

زەيىن ەرعالي,

«Egemen Qazaqstan»