سۋرەتتى تۇسىرگەن – ەرلان ومار, «ەQ»
ءىI دارەجەلى «بارىس» وردەنىمەن ۇلتتىق قۇرىلتايدىڭ مۇشەسى, قوعام قايراتكەرى, ەكونوميكا عىلىمدارىنىڭ دوكتورى ورازالى سابدەن, ءىII دارەجەلى «بارىس» وردەنىمەن ق. قۋانىشباەۆ اتىنداعى قازاق ۇلتتىق مۋزىكالىق دراما تەاترىنىڭ اكتريساسى لەيلو بەكنازار ماراپاتتالدى.
«پاراسات» وردەنى اكتەر, قازاقستاننىڭ ەڭبەك سىڭىرگەن قايراتكەرى بەكجان تۇرىسقا, قازاقستان رەسپۋبليكاسى كاسىپوداقتار فەدەراتسياسىنىڭ توراعاسى ساتىبالدى داۋلەتالينگە, س.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىنىڭ ءبىرىنشى پرورەكتورى ديليارا قايداروۆاعا جانە م.اۋەزوۆ اتىنداعى قازاق ۇلتتىق دراما تەاترىنىڭ اكتەرى بەرىك ايتجانوۆقا تاپسىرىلدى.
«الاتاۋ» ءداستۇرلى ونەر تەاترىنىڭ ديرەكتورى ماقسات نۇراليەۆ, «احىسكا» تۇرىك ەتنومادەني بىرلەستىگىنىڭ قۇرمەتتى توراعاسى اسكەر پيريەۆ, ن.ساتس اتىنداعى ورىس مەملەكەتتىك اكادەميالىق بالالار مەن جاسوسپىرىمدەر تەاترىنىڭ ديرەكتورى يرينا سيمونوۆا, جازۋشى, جۋرناليست-پۋبليتسيست ساكەن سىبانباي «قۇرمەت» وردەنىنىڭ يەگەرى اتاندى.
الماتى وبلىسى قوعامدىق كەڭەسىنىڭ مۇشەسى قازىبەك داۋىتاليەۆ, ء«ادىل ءسوز» ءسوز بوستاندىعىن قورعاۋ حالىقارالىق قورىنىڭ پرەزيدەنتى قارلىعاش جامانقۇلوۆا, Apple Inc كومپانياسىنىڭ ورتالىق ازيا مەن ارمەنياداعى ساياسات جانە مەملەكەتتىك ورگاندارمەن بايلانىس ءبولىمىنىڭ باسشىسى ءادىلحان قوپاباەۆ, ەۋرازيا تەحنولوگيالىق ۋنيۆەرسيتەتىنىڭ رەكتورى ايجان تەمىرباەۆا, ءبىلىم سالاسى جونىندەگى ساراپشى ءانۋار وڭايبەكوۆ «ەرەن ەڭبەگى ءۇشىن» مەدالىمەن ماراپاتتالدى.
اقىن سەرىكزات دۇيسەنعازى, قازاقستان جازۋشىلار وداعى استانا فيليالىنىڭ ديرەكتورى باۋىرجان وتەۋىليەۆ, جىرشى, كۇيشى بەرىك ءجۇسىپوۆ, ءداستۇرلى ءانشى تولعانباي سەمباەۆ, كينوپروديۋسەر قۇرالاي اناربەكوۆا, كومپوزيتور قايرات باەكەنوۆ «قازاقستاننىڭ ەڭبەك سىڭىرگەن قايراتكەرى» قۇرمەتتى اتاعىنا يە بولدى.
ەرلان قارين ماراپات يەلەرىن رەسپۋبليكا كۇنىمەن قۇتتىقتاپ, مەملەكەتتىك ناگرادالار ەل ازاماتتارىنىڭ ەڭبەكتەگى زور جەتىستىكتەرىنە مەملەكەت پەن قوعام تاراپىنان بەرىلگەن بيىك باعا ەكەنىن اتاپ ءوتتى.
