«جۇمىسشى ماماندىقتارى جىلىنا وراي رەسپۋبليكا كۇنى قارساڭىندا ەڭبەك اۋلەتتەرىنىڭ 138 وكىلى, ونەركاسىپ, كولىك, قۇرىلىس, اۋىل شارۋاشىلىعى جانە باسقا دا سالالاردىڭ 500-گە جۋىق جۇمىسشىسى مەن ەڭبەككەرى, شاعىن جانە ورتا بيزنەستىڭ 200-گە جۋىق وكىلى, 130-دان استام ۇستاز بەن عالىم, 100-دەن اسا مەديتسينا قىزمەتكەرى جانە كۇندەلىكتى ەڭبەگىمەن ەل دامۋىنا ۇلەس قوسىپ جۇرگەن باسقا دا ازاماتتار مەملەكەتتىك ناگرادالارعا يە بولدى», دەلىنگەن حابارلامادا.
ۇلتتىق مەرەكە – رەسپۋبليكا كۇنى قارساڭىندا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ جارلىعىمەن ەلىمىزدىڭ الەۋمەتتىك-ەكونوميكالىق, مادەني-رۋحاني دامۋىنا, حالىقتار اراسىنداعى دوستىق پەن ىنتىماقتاستىقتى نىعايتۋعا ەلەۋلى ۇلەس قوسقان جانە بەلسەندى قوعامدىق قىزمەت اتقارعان بىرقاتار ازامات مەملەكەتتىك ناگرادالارمەن ماراپاتتالدى.
سونىمەن قاتار, پرەزيدەنت قر-نىڭ ءال-فارابي اتىنداعى عىلىم مەن تەحنيكا, ا.بايتۇرسىن ۇلى اتىنداعى گۋمانيتارلىق عىلىمدار سالاسىنداعى 2025 جىلعى مەملەكەتتىك سىيلىقتارىن بەرۋ تۋرالى جارلىققا قول قويدى.
