سولاردىڭ ءبىرى – ساۋران اۋدانى ورانعاي اۋىلىندا ورنالاسقان, 200 ورىندىق «سامعاۋ» وڭالتۋ ورتالىعىندا ارناۋلى الەۋمەتتىك قىزمەتتەردىڭ 8 ءتۇرى كورسەتىلەدى. رەسپۋبليكا كۇنىنە جانە ورتالىقتىڭ قۇرىلعانىنا ءبىر جىل تولۋىنا وراي ء«ومىردى سۇيگەن جۇرەكتەر» تاقىرىبىندا سالتاناتتى ءىس-شارا ۇيىمداستىرىلدى. شارانىڭ رەسمي بولىگىندە مەكەمە ديرەكتورى گۇلنۇر ساۋرتاەۆا اتقارىلعان جۇمىس بارىسى تۋرالى باياندادى. سونداي-اق, قوناقتار نازارىنا قىزمەت الۋشىلاردىڭ ءتۇرلى باعىتتاعى ەمدىك-ساۋىقتىرۋ جانە الەۋمەتتىك بەيىمدەۋ جۇمىستارىنىڭ ناتيجەلەرى ارنايى بەينەروليك ارقىلى كورسەتىلدى. ارناۋلى الەۋمەتتىك قىزمەت الۋشىلار مەن ورتالىق ماماندارىنىڭ قاتىسۋىمەن كونتسەرتتىك باعدارلاما كورەرمەن نازارىنا ۇسىنىلدى. كوپشىلىك ەرەكشە جانداردىڭ ومىرگە دەگەن قۇشتارلىعىن, جىگەرى مەن تاباندىلىعىن سەزىنىپ ورتالىق ۇجىمىنىڭ ەڭبەگىنە تابىس تىلەدى.
ورتالىق اشىلعان ۋاقىتتان بەرى 160 قىزمەتكەر مۇمكىندىگى شەكتەۋلى جاندارعا وڭالتۋ قىزمەتتەرىن كورسەتىپ, ولاردىڭ الەۋمەتتىك بەلسەندىلىگىن ارتتىرۋعا باعىتتالعان كەشەندى جۇمىستار اتقارىپ كەلەدى. ءبىر جىل ىشىندە 1200-گە جۋىق قىزمەت الۋشى ەمدىك جانە پسيحولوگيالىق وڭالتۋ شارالارىنان ءوتىپ, ءومىر ساپاسىن جاقسارتۋعا مۇمكىندىك العان.
تۇركىستان وبلىسى
