300 ورىنعا ارنالعان ءبىلىم ورداسىندا وقۋشىلاردىڭ جان-جاقتى دامۋىنا جانە ساپالى ءبىلىم الۋىنا بارلىق مۇمكىندىك جاسالعان.
مۇنىمەن قوسا, STEM-زەرتحانا, جاراتىلىستانۋ-ماتەماتيكالىق باعىتتاعى سىنىپتار, روبوتوتەحنيكا مەن گرافيكالىق ديزاين كابينەتتەرى,ء تۇرلى ۇيىرمەلەرگە ارنالعان ارنايى بولمەلەر جۇمىس ىستەيدى.
مەكتەپكە جاساندى ينتەللەكت تەحنولوگياسىمەن جابدىقتالعان 22 ينتەراكتيۆتى تاقتا ورناتىلعان.
ءبىلىم ورداسى قاۋىپسىزدىك تۇرعىسىنان دا زاماناۋي تالاپتارعا ساي. مۇندا پوليتسيامەن تىكەلەي بايلانىس ورناتۋعا ارنالعان دابىل تۇيمەلەرى قويىلعان. ولار بەينەكامەرالارمەن جابدىقتالعان, بۇل توتەنشە جاعدايدا احۋالدى جەدەل انىقتاپ, تەز ارەكەت ەتۋگە مۇمكىندىك بەرەدى.
ەرەكشە ءبىلىم بەرۋدى قاجەت ەتەتىن بالالار ءۇشىن دە بارلىق جاعداي قاراستىرىلعان.
مەكتەپ اۋماعى دا اباتتاندىرىلعان: فۋتبول, ۆولەيبول, باسكەتبول جانە حوككەي الاڭدارى, سونداي-اق ۆوركاۋت ايماعى بار.
قاراعاندى وبلىسى
شەت اۋدانى
