بالىق شاباقتارى قاراعاندى بالىق تۇقىمباعىندا ءوسىرىلىپ, شىلياۋىز كەنتى ماڭىنداعى جىلى اعىس ايماعىندا, بەرتىس شىعاناعى اكۆاتورياسىندا تابيعي ورتاعا جىبەرىلدى.
بالىق جىبەرۋ جۇمىستارىنىڭ ماقساتى – باعالى بالىق تۇرلەرىنىڭ پوپۋلياتسياسىن قالپىنا كەلتىرۋ جانە كول ەكوجۇيەسىنىڭ تابيعي تەپە-تەڭدىگىن ساقتاۋ.
سوڭعى ءتورت جىل ىشىندە بالقاش كولىنە 525 مىڭنان استام بالىق شاباعى جىبەرىلدى. جوبا ەرىكتى نەگىزدە جۇزەگە اسىرىلىپ كەلەدى. باستاماعا «Kazakhmys Smelting» كومپانياسى 40 ميلليون تەڭگەدەن استام قارجى ينۆەستيتسيالاعان.
شاباقتاردى جىبەرۋ ءۇشىن عىلىمي-وندىرىستىك بالىق شارۋاشىلىعى ورتالىعىنىڭ ماماندارى انىقتاعان ەڭ قولايلى ايماق تاڭدالدى.
بۇل جەردە جاس بالىقتاردىڭ بەيىمدەلۋى مەن وسۋىنە قاجەتتى تابيعي جاعداي بار.
قاراعاندى وبلىسى
بالقاش قالاسى
