ءۇش كۇندىك ءىس-شارا پرەزيدەنت قاسىم-جومارت توقاەۆتىڭ سۋ رەسۋرستارىن ۇتىمدى پايدالانۋ, ازىق-ت ۇلىك قاۋىپسىزدىگىن قامتاماسىز ەتۋ جانە كليماتتىق تۇراقتىلىقتى ارتتىرۋعا باعىتتالعان ۇلتتىق رەفورمالارى اياسىندا, سۋ رەسۋرستارى جانە يرريگاتسيا مينيسترلىگى يسلام ىنتىماقتاستىعى ۇيىمىنىڭ ازىق-ت ۇلىك قاۋىپسىزدىگى جونىندەگى ۇيىمىمەن (اقيۇ) بىرلەسە جانە يسلام دامۋ بانكىنىڭ (IsDB) قولداۋىمەن وتكىزىلىپ وتىر. ۇيىمداستىرۋشىلاردىڭ ايتۋىنشا بۇل باستاما پرەزيدەنت ق.توقاەۆ ايقىنداعان باستى ستراتەگيالىق باسىمدىقتاردى – سۋ كودەكسىن رەفورمالاۋ, 2025-2029 جىلدارعا ارنالعان ۇلتتىق دامۋ جوسپارى مەن سۋ قاۋىپسىزدىگىن قامتاماسىز ەتۋ جونىندەگى ۇلتتىق جوبانى ىسكە اسىرۋعا باعىتتالعان. نەگىزگى نازار – يرريگاتسيالىق ينفراقۇرىلىمدى جاڭعىرتۋعا, سۋ رەسۋرستارىن باسقارۋدى تسيفرلاندىرۋعا جانە وڭىرلىك ىنتىماقتاستىقتى نىعايتۋعا اۋدارىلعان.
سەناتتىڭ اگرارلىق ماسەلەلەر كوميتەتىنىڭ توراعاسى ءالي بەكتاەۆ سۋ رەسۋرستارى تەك ستراتەگيالىق ەمەس, سونىمەن قاتار كليماتتىڭ وزگەرۋى مەن ترانسشەكارالىق تاۋەلدىلىك جاعدايىندا اسا وسال رەسۋرس ەكەنىن ەرەكشە اتاپ ءوتتى.
«پرەزيدەنت ايتقانداي «سۋ – ۇنەمدەپ پايدالانباسا, تەز تاۋسىلاتىن شەكتەۋلى رەسۋرس». سۋ رەسۋرستارىن ءتيىمدى ءارى اشىق باسقارۋ, تسيفرلىق تەحنولوگيالاردى ەنگىزۋ جانە بىلىكتى مامانداردى دايارلاۋ – مەملەكەت باسشىسى بەلگىلەگەن ماڭىزدى باعىتتار, ولار بۇگىندە بەيىندى مينيسترلىكتى قۇرۋ, جاڭا سۋ كودەكسىن قابىلداۋ جانە سۋارۋ جۇيەلەرىن اۆتوماتتاندىرۋ بويىنشا كەڭ اۋقىمدى جوبالار ارقىلى ناقتى ىسكە اسىرىلىپ جاتىر. يرريگاتسيا جانە سۋ رەسۋرستارىن باسقارۋ سالاسىنداعى تسيفرلاندىرۋ – بۇل جاي عانا تەحنولوگيالىق ءۇردىس ەمەس, اۋىل شارۋاشىلىعى مەن جالپى ەكونوميكانىڭ ورنىقتى دامۋىنا قاجەتتى ناقتى قادام», دەدى سەناتور.
سونداي-اق اقيۇ باس ديرەكتورىنىڭ ورىنباسارى, ەلشى حۋسراۆ نوزيري وڭىردەگى سۋ قاۋىپسىزدىگى مەن ازىق-ت ۇلىك تۇراقتىلىعىنا قول جەتكىزۋدە تسيفرلىق ترانسفورماتسيانىڭ شەشۋشى رولىنە توقتالدى.
ال اقيۇ جوبالار دەپارتامەنتىنىڭ ديرەكتورى يسمايل ابدەلحاميد ۇيىمنىڭ قازاقستان مەن وڭىرلىك سەرىكتەستەردى كليماتقا ءتوزىمدى, تسيفرلىق اگروازىق-ت ۇلىك جۇيەلەرىن قالىپتاستىرۋدا قولداۋعا ارقاشان دايىن ەكەنىن ايتا وتىرىپ, بۇل باعىت مەملەكەت باسشىسى ق.توقاەۆ ايقىنداعان دامۋ باعىتىنا جانە مەملەكەتتىك جاڭعىرتۋ باعدارلاماسىنا تولىق سايكەس كەلەتىنىن اتاپ ءوتتى.
ترەنينگ اياسىندا تۇركيانىڭ مەملەكەتتىك گيدروتەحنيكالىق قۇرىلىستار باسقارماسى (DSİ) SUTEM تسيفرلىق مونيتورينگ پلاتفورماسىن, ال وزبەكستاننىڭ سۋ شارۋاشىلىعى مينيسترلىگى SRBISA دەرەكتەرگە نەگىزدەلگەن سۋارۋ جۇيەسىن تانىستىرعان ارنايى تەحنيكالىق سەسسيالار وتكىزدى.
«قازۆودحوز», سۋ رەسۋرستارى جونىندەگى اقپاراتتىق-تالداۋ ورتالىعى جانە وڭىرلىك اكىمدىكتەردىڭ ۇلتتىق ساراپشىلارى سۋ ءبولۋدى وڭتايلاندىرۋ, سپۋتنيكتىك مونيتورينگ جانە تسيفرلىق ەسەپ جۇرگىزۋ بويىنشا پراكتيكالىق تاسىلدەرمەن ءبولىستى.
ساراپشىلار سۋ رەسۋرستارىن باسقارۋدا تسيفرلىق تەحنولوگيالاردى كەڭىنەن قولدانىپ, يرريگاتسيا سالاسىنداعى ساياسات پەن ينۆەستيتسيالىق تەتىكتەردى ۇيلەستىرۋ قاجەت ەكەنىن ايتتى. بۇعان قوسا ترانسشەكارالىق سۋ پايدالانۋدا وڭىرلىك دەرەكتەر مەن وزىق تاجىريبەمەن الماسىپ, كادرلىق الەۋەتتى دامىتۋ جانە مامانداردىڭ كاسىبي قۇزىرەتتىلىگىن ارتتىرۋ قاجەت ەكەنىن جەتكىزدى.
