فوتو: قر عىلىم جانە جوعارى ءبىلىم مينيسترلىگى
وسىعان وراي ۋنيۆەرسيتەتتە ورتالىق ازيا وڭىرلىك ەكونوميكالىق ىنتىماقتاستىق (واوەى, CAREC) ينستيتۋتىمەن بىرلەسكەن «ينكليۋزيۆتى ءبىلىم بەرۋ ءۇشىن جاساندى ينتەللەكتىنى پايدالانۋ: واوەى ءوڭىرى ءۇشىن ماسشتابتالاتىن مودەل» اتتى حالىقارالىق ءىس-شارا ءوتتى. شەتەلدىك ساراپشىلار ۋنيۆەرسيتەتتىڭ تسيفرلىق جانە ينكليۋزيۆتى ترانسفورماتسيا باعىتىنداعى باستامالارىنا جوعارى باعا بەردى. سونىمەن قاتار جي-ءدىڭ باعدارلامالاۋ مەن پەداگوگيكالىق ادىستەمەلەردى جەتىلدىرۋدەگى رولىنە ەرەكشە نازار اۋدارىپ, جي تەحنولوگيالارىن ءبىلىم بەرۋ ۇدەرىسىنە ەنگىزۋدىڭ بولاشاعى مەن حالىقارالىق عىلىمي ىنتىماقتاستىقتى دامىتۋ جولدارى تالقىلاندى.
عىلىمي جيىنعا قر عجبم جوعارى جانە جوعارى وقۋ ورنىنان كەيىنگى ءبىلىم كوميتەتى توراعاسىنىڭ م.ا. گۇلجان جاراسوۆا, CAREC ينستيتۋتى الەۋەتتى ارتتىرۋ جونىندەگى مامان ستيۆەن حاو ليۋ, ستەنفورد ۋنيۆەرسيتەتىنىڭ جاساندى ينتەللەكت سالاسىنىڭ پروفەسسورى, livetech.ai كومپانياسىنىڭ نەگىزىن قالاۋشىسى يۋنەس بەنسۋدا مۋرري, نازارباەۆ ۋنيۆەرسيتەتىنىڭ سمارت جۇيەلەر جانە جاساندى ينتەللەكت ينستيتۋتىنىڭ (ISSAI) باس ديرەكتورى حۋسەين اتاكان ۆارول سياقتى جاساندى ينتەللەكت جانە ينكليۋزيۆتى ءبىلىم بەرۋ سالاسىنداعى حالىقارالىق جانە وتاندىق ساراپشىلار قاتىستى.
قر عىلىم جانە جوعارى ءبىلىم مينيسترلىگىنىڭ مالىمەتىنشە قازىرگى ۋاقىتتا ۋنيۆەرسيتەتتە ينكليۋزيۆتى ءبىلىم بەرۋدىڭ جاڭا مودەلىن ەسكەرە وتىرىپ, جاڭارتىلعان ءبىلىم بەرۋ باعدارلامالارى ازىرلەندى. بارلىق ءبىلىم بەرۋ باعدارلامالارىنىڭ 3-كۋرس ستۋدەنتتەرى ءۇشىن ء«بىلىم بەرۋ پروتسەسىندە جاساندى ينتەللەكتىنى قولدانۋ» بويىنشا ء پان ەنگىزىلدى. سونىمەن قاتار جاساندى ينتەللەكت جانە تسيفرلىق تەحنولوگيالار باعىتىندا 3 مەملەكەتتىك قارجىلاندىرىلاتىن گرانتتىق عىلىمي جوبا جۇزەگە اسادى.
اقش, ەۋروپا, ورتالىق ازيا ەلدەرىنەن كەلگەن حالىقارالىق ساراپشىلاردىڭ تاجىريبەلەرى-يدەيالارى نەگىزىندە ينكليۋزيۆتى ءبىلىم بەرۋگە جاساندى ينتەللەكتىنى ەنگىزۋدىڭ ايماقتىق جول كارتاسى ازىرلەنىپ, بۇكىل ورتالىق ازيا ءوڭىرىنىڭ ءبىلىم كەڭىستىگىن جاڭعىرتۋعا جاڭا سەرپىن بەرمەك.
