اتالعان باستامالاردى وڭىرلىك ءبىلىم باسقارماسىنىڭ تاپسىرىسىمەن «ماڭعىستاۋ جەرگىلىكتى باستاما ورتالىعى» قوعامدىق قورى جۇزەگە اسىرىپ جاتىر.
ماڭعىستاۋ وبلىسى ءبىلىم باسقارماسىنىڭ ءبولىم باسشىسى كلارا قۇلاتاەۆانىڭ ايتۋىنشا, جوبالار بيىلعى جىلدىڭ 1 قازانىنان باستاپ جۇزەگە اسادى.
- ء«بىلىم ساپاسىن باقىلاۋ: جاڭا كوزقاراس» جانە «ايماقتاعى ءبىلىم بەرۋ سالاسىنىڭ وزىق تاجىريبەلەرى» جوبالارى ءبىلىم بەرۋ ساپاسىن ارتتىرۋدىڭ جۇيەلى ءتاسىلىن قالىپتاستىرۋعا باعىتتالعان. قازىرگى تاڭدا وبلىس بويىنشا 20 مەكتەپ تاڭدالىپ, ونداعى ءبىلىم ساپاسىنا اسەر ەتەتىن فاكتورلاردى زەرتتەۋ, مەكتەپىشىلىك باقىلاۋ جۇيەسىن جەتىلدىرۋ جانە پەداگوگتاردىڭ كاسىبي قۇزىرەتتىلىگىن ارتتىرۋ جۇمىستارى جۇرگىزىلىپ جاتىر, - دەدى ك.قۇلاتاەۆا.
«ماڭعىستاۋ جەرگىلىكتى باستاما ورتالىعى» قوعامدىق قورىنىڭ ديرەكتورى جاقسىگۇل ماحانبەتوۆانىڭ ايتۋىنشا, جوبالار تەك ءبىلىم ساپاسىن ارتتىرۋمەن شەكتەلمەي, پەداگوگيكالىق تاجىريبەنى قوعاممەن ءتيىمدى بولىسۋگە مۇمكىندىك بەرەدى.
- جەرگىلىكتى دەڭگەيدە اقپاراتتىق اشىقتىق پەن ءبىلىم بەرۋ ۇيىمدارىنىڭ مەديا الەۋەتىن ارتتىرۋ دا باستى نازاردا. وسى ماقساتتا 14–15 قازان كۇندەرى 70 مامان موبيلوگرافيا جانە SMM باعىتىندا ارنايى ترەنينگتەن ءوتتى. ال وبلىستىڭ ۇزدىك ءبىلىم بەرۋ تاجىريبەلەرىن قوعامعا كەڭىنەن تانىستىرۋ ءۇشىن جۋرناليستەردىڭ قاتىسۋىمەن اقتاۋ, تۇپقاراعان جانە مۇنايلى اۋداندارىندا اقپاراتتىق تۋرلار ۇيىمداستىرىلدى. الداعى ۋاقىتتا وبلىستىڭ بارلىق اۋدان-قالالارىن قامتيتىن اقپاراتتىق تۋرلار جالعاسادى. «ورلەۋ» بىلىكتىلىكتى ارتتىرۋ ۇلتتىق ورتالىعى» اكتسيونەرلىك قوعامى «ماڭعىستاۋ وبلىسى بويىنشا كاسىبي دامۋ ينستيتۋتىمەن» بىرلەسە وتىرىپ, 300 مۇعالىمگە ارنالعان 8 وقۋ كۋرسىن 28 قازاننان باستايدى, دەدى ول.
بۇعان دەيىن وبلىستا «وتپان» جوباسى اياسىندا 6,5 مىڭ پەداگوگ وقۋدان ءوتىپ, 625 وقۋ بولمەسى مەن 180 مۇعالىمدەر كەڭىستىگى جاڭارتىلدى. «943 – ەلدىڭ ماقساتتى مەكتەپتەرىن دامىتۋ» جوباسى 59 مەكتەپتە جۇزەگە اسىرىلىپ جاتىر.
