وعان 150-گە جۋىق ايەل قاتىستى. مارافونشىلار ءتۇرلى جاس كاتەگوريالارى بويىنشا سىنعا ءتۇستى. سونداي-اق قالانىڭ جاسى 50-دەن اسقان بەلسەندى تۇرعىندارى سكانديناۆيالىق ءجۇرىس بويىنشا جارىستى.
مارافونشىلار جامبىل كوشەسىندەگى اللەيا ارقىلى جاعاجايعا دەيىنگى جانە قايتار باعىتتاعى جولدى ەڭسەردى.
شارانىڭ اشىلۋ سالتاناتىندا: «قوعامدا ايەلدەردىڭ ورنى بولەك. نازىك جاندىلارسىز ءبىزدىڭ ءومىردى ەلەستەتۋ مۇمكىن ەمەس. «قىزعىلت قازان» ايى سىزدەردىڭ دەنساۋلىقتارىڭىزعا, قاتەرلى ىسىكتىڭ الدىن الۋعا باعىتتالعان اي. ءتانى ساۋدىڭ – جانى ساۋ. سول سەبەپتى ۇنەمى دارىگەرلەرگە تەكسەرىلىپ جۇرۋگە كەڭەس بەرەمىز. مارافوندا بارشاڭىزعا ساتتىلىك تىلەيمىن», – دەدى قالا اكىمىنىڭ ورىنباسارى تولەگەن كەنجەبەكوۆ.
ال قالالىق كوپسالالى اۋرۋحانا ديرەكتورىنىڭ ورىنباسارى ايسۇلۋ وڭعاروۆا ءسۇت بەزى قاتەرلى ىسىگى جايلى دەرەكتەرگە توقتالىپ ءوتتى.
«قىزعىلت قازان» – تەك اكتسيا ەمەس, بۇل اۋرۋ تۋرالى اقپاراتتاندىرۋ, قولداۋ مەن ايەلدەر ءومىرىن وزگەرتۋگە كومەك كورسەتۋ ايى. ەگەر وبىردى دەر كەزىندە انىقتاسا, 90% جاعدايدا ەمدەلىپ كەتۋگە مۇمكىندىك بار. ماممولوگقا تەكسەرىلىپ, ۋدز-دان جىل سايىن ءوتىپ تۇرىڭىزدار. بۇگىنگى مارافون دەنساۋلىققا ۇمتىلۋ مەن تەك العا باعىت الۋدىڭ نىشانى بولسىن. بارلىقتارىڭىزعا باقىت, شاتتىق, تابىس تىلەيمىن» – دەدى.
جارىس ناتيجەسىندە جەڭىمپاز اتانعاندارعا باعالى سىيلىقتار, مەدالدار مەن اقشالاي سىيلىقتار تابىس ەتىلدى.
«30 جاسقا دەيىنگىلەردىڭ اراسىندا 1-ورىندى يەلەندىم. جارىس وتەتىنى تۋرالى ەستىگەن ساتتەن-اق قاتىسۋعا بەل بۋدىم. ۇيىمداستىرۋشىلارعا راقمەت. قالامىزدىڭ ايەلدەرى امان بولسىن! مارافون جوعارى دەڭگەيدە ءوتتى», – دەدى ادەلينا ەسىمدى قاتىسۋشى.
سونىمەن قاتار جىلجىمالى مەديتسينالىق كەشەندە 65 ايەل مامموگرافيا مەن ۋدز-دان تەگىن ءوتتى.
قوناەۆ قالاسىنىڭ اكىمدىگى مارافوننىڭ وتۋىنە دەمەۋشىلىك كورسەتىپ, سەرىكتەس بولعان كاسىپكەرلەرگە العىسىن ءبىلدىردى.
الماتى وبلىسى.
