وتىرىستى اشقان نۇرلان ءابدىروۆ ينكليۋزيۆتىلىك پەن سايلاۋشىلاردىڭ تەڭ قۇقىقتارىن قامتاماسىز ەتۋ ماسەلەسى مەملەكەتتىك ساياساتتىڭ باسىم باعىتتارىنىڭ ءبىرى ەكەنىن اتاپ ءوتتى.
«بىرلەسكەن ناتيجەلى ارىپتەستىكتىڭ ارقاسىندا ءبىز شىنىمەن قولجەتىمدى جانە ينكليۋزيۆتى سايلاۋ جۇيەسىن قالىپتاستىرۋ جولىندا جۇيەلى تۇردە ىلگەرىلەپ كەلەمىز», - دەدى ول.
ءتۇرلى دەڭگەيدەگى سايلاۋلاردا مۇگەدەكتىگى بار ازاماتتاردىڭ داۋىس بەرۋى ءۇشىن بارلىق قاجەتتى جاعدايلار جاسالۋدا: كورۋ قابىلەتى ناشار سايلاۋشىلارعا ارنالعان ترافارەتتەر ازىرلەنىپ, اربامەن جۇرەتىن ادامدارعا بەيىمدەلگەن كابينالار ورناتىلعان, سايلاۋ راسىمدەرىن تۇسىندىرەتىن اۋديوماتەريالدار دايىندالعان جانە ينۆاتاكسي قىزمەتى كورسەتىلەدى.
وتىرىس قورىتىندىسىمەن وسك مەن قر ەڭبەك جانە حالىقتى الەۋمەتتىك قورعاۋ مينيسترلىگى اراسىندا مۇگەدەكتىگى بار ادامداردىڭ سايلاۋ قۇقىقتارىن قامتاماسىز ەتۋ جونىندەگى الداعى شارالاردى كوزدەيتىن جول كارتاسىنا قول قويىلدى. جول كارتاسىنداعى جاڭاشىلدىقتاردىڭ ءبىرى – سايلاۋ ۋچاسكەلەرىنىڭ اشىقتىعى مەن قولجەتىمدىلىگىن ارتتىرۋعا باعىتتالعان inva.gov.kz پورتالىن كەزەڭ-كەزەڭىمەن تسيفرلاندىرۋ بولماق.
قاتىسۋشىلار استاناداعى ەقىۇ باعدارلامالار ءوفيسى مەن «شىراق» مۇگەدەكتىگى بار ايەلدەر اسسوتسياتسياسى» قوعامدىق بىرلەستىگى بىرلەسىپ ازىرلەگەن مۇگەدەكتىگى بار ادامداردىڭ سايلاۋ قۇقىقتارى مەن قاجەتتىلىكتەرىنە ارنالعان بەينەكۋرسقا ەرەكشە نازار اۋداردى.
بەينەكۋرس www.election.gov.kz سايتىندا ورنالاستىرىلعان جانە بارلىق سايلاۋ كوميسسيالارىنىڭ مۇشەلەرى ءۇشىن مىندەتتى بولىپ تابىلادى.
