ۇلتتىق ۇلاننىڭ ءباسپاسوز قىزمەتى حابارلاعانداي, ورتالىقتىڭ وقۋ باعدارلاماسىندا تاكتيكالىق دايىندىق, توتەنشە جاعدايلاردى جويۋ, ۇشقىشسىز ۇشۋ اپپاراتتارى قولدانۋ, فيزيكالىق جانە كومپيۋتەرلىك قاۋىپسىزدىك جۇيەلەرىن مەڭگەرۋ, رادياتسيالىق, حيميالىق جانە بيولوگيالىق قورعاۋ دايىندىعىن جەتىلدىرۋ ماسەلەلەرى قامتىلعان.
باس قولباسشى تاجىريبەلىك ساباق وتكىزۋگە ارنالعان ورىنداردى كوردى. داعدارىسقا قارسى وقۋ ورتالىعىنىڭ قىزمەتكەرلەرى قازىرگى زامانعى درون جانە انتيدرون جۇيەلەرىن ۇيرەتۋ ادىستەمەلەرىمەن تانىستىردى.
بۇدان بولەك ا. بالتابەكوۆ «شىعىس» وڭىرلىك قولباسشىلىعىنا قاراستى اسكەري بولىمدەردى ارالادى.
اتاپ ايتقاندا, قوعامدىق ءتارتىپتى قامتاماسىز ەتۋ بويىنشا جەدەل ماقساتتاعى 5518 اسكەري ءبولىمىنىڭ, مەملەكەتتىك ماڭىزدى نىسانداردى كۇزەتەتىن 3477 اسكەري ءبولىمى كومانداتۋرالارىنىڭ قىزمەت بارىسىن تەكسەردى.
سونداي-اق تۇزەۋ مەكەمەلەرىن كۇزەتەتىن 6699 اسكەري ءبولىمىنىڭ تىنىس-تىشىلىگىمەن تانىستى.
ءار اسكەري ءبولىمنىڭ جاعدايىمەن تانىسقان سوڭ, گەنەرال-مايور اڭساعان بالتابەكوۆ وڭىرلىك قولباسشىلىققا قىزمەتتى ۇيىمداستىرۋ ءىسىن ودان ءارى جەتىلدىرۋدى, ونىڭ قاۋىپسىزدىگى مەن ساپاسىن زاماناۋي تەحنولوگيالار مەن جاساندى ينتەللەكتىنى پايدالانۋ ارقىلى قامتاماسىز ەتۋدى تاپسىردى.
