فوتو: gov.kz
بايقاۋ وسى جىلعى 25 قىركۇيەكتە ساعات 12:00-دە eGov Mobile ءموبيلدى قوسىمشاسىندا باستالعان بولاتىن. ەكى اپتا ىشىندە – 10 قازان, ساعات 23:59-عا دەيىن قازاقستاندىقتار 27 مىڭنان استام ۇسىنىس جولدادى. مۇنداي جوعارى بەلسەندىلىك ازاماتتاردىڭ اتوم ەنەرگەتيكاسىن دامىتۋعا دەگەن زور قىزىعۋشىلىعىن ءارى ەل ءۇشىن ماڭىزدى جوباعا جەكە ۇلەس قوسۋعا دايىن ەكەنىن كورسەتەدى.
قازىرگى ۋاقىتتا كەلىپ تۇسكەن ۇسىنىستاردى وڭدەۋ پروتسەسى باستالدى. العاشقى كەزەڭدە ماماندار بارلىق نۇسقالاردى تالداپ, جۇيەلەۋ جۇمىستارىن جۇرگىزەدى, ءسويتىپ جيىنتىق ەسەپ دايىندايدى. كەيىن ماتەريالدار كونكۋرس كوميسسياسىنىڭ مۇشەلەرى تاراپىنان قارالادى. قورىتىندى كەزەڭدە قازان ايىنىڭ سوڭىندا, كوميسسيا وتىرىسى وتكىزىلىپ, العاشقى اەس-كە ۇزدىك اتاۋ تاڭدالادى.
ەلىمىزدىڭ اتوم ەنەرگياسى جونىندەگى اگەنتتىگىندە بايقاۋ مەملەكەت پەن ازاماتتىق قوعام اراسىنداعى اشىق ءوزارا ءىس-قيمىلدىڭ ۇلگىسى ءارى جوعارى قوعامدىق بەلسەندىلىكتىڭ كورىنىسى بولعانى اتاپ وتىلەدى.
بولاشاق ستانسانىڭ قورىتىندى اتاۋى كوميسسيانىڭ شەشىمى بويىنشا جاريالانىپ, وتاندىق ەنەرگەتيكانى دامىتۋدىڭ جاڭا كەزەڭىنىڭ سيمۆولىنا اينالادى.
