فوتو: istockphoto.com
قازىرگى تاڭدا بارلىق مەديتسينالىق ۇيىمداردا ەمدەلۋشىلەردى تسيفرلىق سايكەستەندىرۋ جۇيەلەرى ىسكە قوسىلعان «تسيفرلىق قۇجات» پەن Face ID جوبالارى ارقىلى ازاماتتار ءوز مالىمەتتەرىن جەڭىل ءارى قاۋىپسىز پايدالانا الادى.
«ەسەپتەۋ مەن تولەمنىڭ اشىق ءارى ءادىل جۇيەسىن جاساۋ ماقساتىندا بارلىق وڭىردە «مەديتسينالىق كومەككە اقى تولەۋدىڭ بىرىڭعاي جۇيەسى» جوباسى ەنگىزىلدى. مەديتسينالىق انىقتامالاردى ەلەكتروندى فورماتقا كوشىرۋ بويىنشا جۇمىستار جۇرگىزىلىپ جاتىر. مەملەكەتتىك قىزمەتتەردى اۆتوماتتاندىرۋ دەڭگەيى – 87,3%-دى قۇراپ وتىر», دەپ حابارلادى ۇكىمەتتىڭ ءباسپاسوز قىزمەتى.
مەديتسينالىق قىزمەتكەرلەردىڭ قاۋىپسىزدىگى دە نازاردان تىس قالعان جوق. استانا مەن الماتى قالالارىندا جەدەل جاردەم قىزمەتكەرلەرىنە ارنالعان ۆيدەو-جەتونداردى قولدانۋ بويىنشا پيلوتتىق جوبا ىسكە قوسىلعان.
سونىمەن قاتار بارلىق مەديتسينالىق دەرەكتەردى بىرىڭعاي بازاعا بىرىكتىرۋ جۇمىستارى جالعاسىپ, زاماناۋي, يننوۆاتسياعا جانە ساپاعا نەگىزدەلگەن تۇراقتى مەديتسينالىق جۇيە قالىپتاسىپ كەلەدى.
