كەزدەسۋ اياسىندا تاراپتار دەنساۋلىق ساقتاۋ سالاسىنداعى ءوزارا ىنتىماقتاستىق تۋرالى مەموراندۋمعا قول قويدى. ەكى تاراپ بولاشاقتا مەديتسينالىق تاجىريبە جانە اقپارات الماسۋ, حالىقارالىق جوبالاردى بىرلەسىپ جۇزەگە اسىرۋ, زاماناۋي ەمدەۋ ادىستەرى مەن تەحنولوگيالارىن ەنگىزۋ, قازاقستاندىق مەديتسينا قىزمەتكەرلەرىن وڭتۇستىك كورەيادا وقىتۋ جانە بىلىكتىلىگىن ارتتىرۋ (ستاجيروۆكا, سەمينار, ماستەر-كلاسس) جانە كۇردەلى اۋرۋلار بويىنشا كاسىبي كەڭەستەر وتكىزۋ سەكىلدى باعىتتاردا بىرلەسىپ جۇمىس ىستەۋگە ۋاعدالاستى.
ناريمان تورەعاليەۆ ءوز سوزىندە حالىقارالىق سەرىكتەستىكتىڭ وڭىرلىك مەديتسينا جۇيەسىن دامىتۋداعى ماڭىزدىلىعىن اتاپ ءوتىپ, مۇنداي باستامالار تۇرعىنداردىڭ دەنساۋلىعىن جاقسارتۋعا جانە مەديتسينالىق قىزمەتتىڭ ساپاسىن ارتتىرۋعا ىقپال ەتەتىنىن جەتكىزدى.
تاراپتار ۇزاق مەرزىمدى جانە ءوزارا ءتيىمدى ارىپتەستىك ورناتۋعا دايىن ەكەندىگىن ءبىلدىرىپ, ناقتى جوبالار بويىنشا بىرلەسكەن جۇمىستى باستاۋعا نيەت تانىتتى.
باتىس قازاقستان وبلىسى
