ۇمىتكەرلەرگە قاتىستى  ناقتى شەشىم قابىلدايدى

ورتالىق سايلاۋ كوميسسياسى 24 ناۋرىز كۇنى لينگۆيس­تيكالىق كوميسسيانىڭ سىناعىنا كەلمەگەن ۇمىتكەرلەرگە قاتىستى شەشىم قابىلدايدى. بۇل جونىندە وسك مۇشەسى مارات سارسەنباەۆ ءمالىم ەتتى. «مەملەكەتتىك ءتىلدى ەركىن مەڭگەرگەندىگىن انىقتاۋ سىناعىنا 4 ادام كەلگەن جوق, دەدى ول. ولار: يا.جۇنىسبەكوۆ, ق.مايشەۆ, ا.وتەپوۆا جانە ا.اسىلبەك. ءبىز ولاردى كۇتۋدەمىز. ەگەر ولار كەلمەسە, 24 ناۋرىز كۇنى ورتالىق سايلاۋ كوميسسياسى ارنايى شەشىم قابىلدايتىن بولادى». ونىڭ اتاپ وتۋىنشە, پرەزيدەنتتىككە كانديداتتاردى تىركەۋ كەزەڭى 25 ناۋ­رىزدا اياقتالىپ, سول كۇننەن باس­تاپ 24 ساۋىرگە دەيىن ۇگىت-ناسيحات جۇمىستارى جۇرگىزىلەدى. «جەتى ادام لينگۆيستيكالىق كوميسسيا سىناعىن ءساتتى تاپسىردى, 8 ادام ەمتيحان تاپسىرا المادى, 2 ادامنىڭ جاسى 40-قا تولماعاندىقتان, ولاردى ۇمىتكەر رەتىندە تىركەۋدەن باس تارتىلدى. ەمتيحانعا 4 ادام كەلمەسە, 3 ادام مەملەكەتتىك ءتىلدى ەركىن مەڭگەرگەندىگىن دالەلدەۋدەن ءوز ەرىكتەرىمەن باس تارتتى. كانديداتۋراسىن ءوز قالاۋىمەن 3 ادام الىپ تاس­تادى», دەدى م.سارسەمباەۆ. سونىمەن قاتار, وسك مۇشەسى ن.نازارباەۆتىڭ, ت.سىز­دى­قوۆتىڭ جانە ءا.قۇسايى­نوۆ­تىڭ كانديدات رەتىندە تىركەل­گەنىن ەسكە سالدى. ءاليسۇلتان قۇلانباي, «ەگەمەن قازاقستان».