قازاقستان رەسپۋبليكاسى پرەزيدەنتىنىڭ جارلىعى

قازاقستان رەسپۋبليكاسىنىڭ مەملەكەتتىك ناگرادالارىمەن ناگرادتاۋ تۋرالى قاۋلى ەتەمىن: 1. ەلدىڭ ەكونوميكالىق دامۋ­ىن­­داعى, وندىرىستىك قىزمەتتەگى اسا ۇزدىك جەتىستىكتەرى  ءۇشىن جوعارى ءدا­رەجەلى ەرەكشەلىك بەلگىسى – “قا­زاق­ستاننىڭ ەڭبەك ەرى” اتاعى ەڭبەك ارداگەرى ارعىن جۇنىسوۆكە (تە­مىر­­تاۋ قالاسى) بەرىلسىن. 2. وسى جارلىق قول قويىلعان كۇ­نىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2010 جىلعى  شىلدەنىڭ 2-ءسى. № 1018

قاھارمان قۇرىشكەر

ن.ءا.نازارباەۆ: …قازاقستان ماگنيتكاسىنىڭ بايىرعى بولات بالقىتۋشىسى ءسىز قازاقستان مەتاللۋرگياسىنىڭ كوزى ءتىرى سيمۆولى بولىپ تابىلاسىز, ءسىزدىڭ قاجىرلى ەڭبەگىڭىز بەن دانا ءسوزىڭىزدىڭ ارقاسىندا بۇتىندەي ءبىر سالا كوتەرىلدى جانە وسى سالا ماماندارىنىڭ بىرنەشە بۋىنى تاربيەلەندى. _________________________ ءسابيت بەكسەيىت, اقىن, قازاقستان جازۋشىلار وداعىنىڭ مۇشەسى. جاستايىڭنان جەتەلەپ سەرت پەن سەنىم, جۇمىسپەنەن جانكەشتى ەرتە ەسەيدىڭ. وت پەرىسى – يساتاي قولداعانداي, ءومىر بويى وت كوسەپ, شوق توسەندىڭ. قارا جۇمىس قاتايتىپ قابىرعاڭدى, بۇعاناڭدى بەكىتتى – شامىرقاندىڭ. كورىپ ءوستىڭ ايالى الاقانىن ەلامان مەن التىنبەك اعالاردىڭ. اڭگىمەنى باستاسام مەن ارىدەن, پارمەندى ىستەر كۇتەدى ەردەن دارمەن. ءوزى كورسە تاڭ قالىپ قارار ەدى مارتەن پەشتىڭ اتاسى – پەر مارتەن. شارتاراپقا تىسقارى ءدۇبىر كەتكەن, ەسىمىڭدى اتايدى شىن قۇرمەتپەن. تۇڭعىش بولات بالقىما شالقىپ اققان, جاڭا مارتەن پەشىن سەن دۇرىلدەتكەن. وت-جالىننىڭ ساقىرلاپ لەبى شاپشىر, كۇن تابىنداي الاۋى بەتتى شىمشىر. سوم بولاتتى ساپىرىپ بال قايماقتاي, ەل ناۋاسىن تولتىردىڭ ەلۋ ءبىر جىل. اساۋ اتتاي بۇلقىنعان تىلسىمدى كۇش, تىلمەن ايتىپ جەتكىسىز ءبىر قۇبىلىس. اۋىزدىقتاپ وسىناۋ عالاماتتى, ارعىن اعا, وجاۋمەن قۇيدىڭ قۇرىش. تابانىڭنىڭ بىلىنسە تايپالعانى, تاعىلىمنىڭ بويداعى بايقالعانى. ارعىن اعا, نار اعا, – دەيدى كىشى, – قارا مەتاللۋرگيا مايتالمانى. ۇشتاساتىن جاستاردىڭ وي-تىلەگى, بولاتشىنىڭ بەدەلى جويقىن ەدى. ءىزباسارلار, ىشىندە جاس سۇلتان بار, ساعان قاراپ تالپىنىپ بوي تۇزەدى. توزىمدىلىك, قايسارلىق, ماقساتكەرلىك, قاناتىمەن ارماننىڭ اڭساتتى ەرلىك. جەتپىسىڭە جەتكەنشە قول ۇزبەۋدى كاسىبىڭنەن سۇيىكتى – عاجاپ كوردىك. باسقا كاسىپ, ناسىپكە قىزىقپادىڭ, ۇل-قىزىڭا سول جايدى پىسىقتادىڭ. ماگنيتكاداي جىلى ۇيا, وتتى وشاقتىڭ, – وتباسىنا تارادى ىستىق تابى. ءجيى ايتىلسا حاس ەردىڭ ارداق اتى – تيگەندىگى ەلىنە شاراپاتى. ءتۇيىندى ءسوز توبىقتاي – ساعان لايىق قازاقستاننىڭ جوعارى ماراپاتى!