كۋاگەرلەردىڭ ايتۋىنشا, وقۋشىلاردىڭ ءبىرى ءوز سىنىپتاسىنا پىشاق جاراقاتىن سالعان.
بقو پوليتسيا دەپارتامەنتىنىڭ مالىمەتىنشە, تەرەكتى اۋدانىنداعى مەكتەپتەردىڭ بىرىندە بولعان بۇل بۇزاقىلىق ارەكەتكە بايلانىستى سوتقا دەيىنگى تەرگەۋ امالدارى باستالدى.
الدىن الا دەرەكتەر بويىنشا, جانجال وقۋشىلار اراسىنداعى ءوزارا كەلىسپەۋشىلىكتەن تۋىنداعان.
– كۇدىكتى وقۋشى ۇستالىپ, پوليتسيا بولىمىنە جەتكىزىلدى. سونىمەن قاتار, جانجالعا قاتىسى بار كامەلەتكە تولماعانداردىڭ اتا-انالارىنا بالالاردى تاربيەلەۋ جونىندەگى مىندەتتەرىن تيىسىنشە ورىنداماعانى ءۇشىن شارا قولدانىلادى. ماتەريالدار اۋدان اكىمدىگى جانىنداعى كامەلەتكە تولماعاندار ىستەرى جونىندەگى كوميسسياعا جىبەرىلدى, – دەپ حابارلادى پوليتسيا دەپارتامەنتىنىڭ ءباسپاسوز قىزمەتى.
قازىرگى ۋاقىتتا وقيعانىڭ بارلىق ءمان-جايى انىقتالىپ جاتىر. قىلمىستىق ءىستىڭ تەرگەۋ بارىسى بقو پوليتسيا دەپارتامەنتى باسشىلىعىنىڭ ەرەكشە باقىلاۋىندا.
