ەلىمىزدە يپوتەكالىق نەسيەلەندىرۋدەگى ماسەلەلەر شەشىمىن تابادى

استانا. 19 اقپان. ۇلتتىق بانك ەل ۇكىمەتىمەن بىرلەسىپ يپوتەكالىق نەسيەلەندىرۋ سالاسىنداعى ماسەلەلەردى شەشۋگە 130 ملرد. تەڭگە ءبولۋ تۋرالى شەشىم قابىلدادى. بۇل تۋرالى ۇلتتىق بانكتىڭ ءباسپاسوز قىزمەتى حابارلادى. اتالعان حابارلامادا كورسەتىلگەندەي, بولىنگەن قارجىنىڭ نەسيەلەرىن تولەي الماي جۇرگەن ادامداردىڭ قارىزدارىن ەسەپتەن شىعارۋعا جۇمسالمايتىنى ايتىلعان. سونداي-اق, ۇلتتىق بانكتىڭ مالىمدەمەسىندە «ول يپوتەكالىق نەسيەلەر بويىنشا قىزمەت كورسەتۋ شارتتارىن جەڭىلدەتۋگە باعىتتالادى. ەندى ۇلتتىق بانك وسى سالاداعى ماسەلەلەردى  شەشۋدىڭ جولدارىن ازىرلەۋ, ونىڭ نەگىزگى ولشەمدەرىن ايقىنداۋ جۇمىستارىن مۇددەلى مەملەكەتتىك ورگاندارمەن, «قازاقستان قارجىگەرلەرىنىڭ قاۋىمداستىعى» pاڭدى تۇلعالار بىرلەستىگىمەن, بانكتەرمەن جانە باسقا دا قوعامدىق بىرلەستىكتەرمەن تىزە وتىرىپ جۇزەگە اسىراتىن بولادى. بۇل شەشىم مەملەكەت باسشىسىنىڭ ۇكىمەتتىڭ 2015 جىلعى 11 اقپانداعى كەڭەيتىلگەن وتىرىسىنىڭ قورىتىندىلارى بويىنشا بەرگەن تاپسىرمالارىن ورىنداۋ ماقساتىندا قابىلدانىپ وتىر. سول وتىرىستا نۇرسۇلتان نازارباەۆ: «يپوتەكالىق نەسيەلەر  مۇراسىنان ارىلۋ كەرەك جانە تەك مۇقتاج ادامداردىڭ عانا يپوتەكالىق نەسيەلەرى بويىنشا قارىزدارىن قايتا قۇرىلىمداۋ ماسەلەسىن شەشۋ قاجەت», – دەگەن بولاتىن. جوعارىداعى شەشىمدى دايىنداۋعا «نۇر وتان» پارتياسى مەن الماتى قالاسىنىڭ اكىمدىگى قاتىستى. جولدىباي بازار. دەرەك: egemen.kz. سۋرەت: mln.kz.