فوتو: Facebook/يرەنا اراۆينا
«قازاق مادەنيەتىنىڭ كورنەكتى قايراتكەرى, «پاراسات» جانە «وتان» وردەندەرىنىڭ يەگەرى, قازاقستان رەسپۋبليكاسى كومپوزيتورلار وداعىنىڭ مۇشەسى, پروفەسسور يۋري پەتروۆيچ اراۆين ومىردەن وزدى. قايراتكەر تۇلعانىڭ وتباسى مەن تۋعان-تۋىستارىنا, شاكىرتتەرى مەن ارىپتەستەرىنە قايعىرا كوڭىل ايتامىن», دەدى مينيستر.
ايدا بالاەۆانىڭ ايتۋىنشا, يۋري پەتروۆيچتىڭ ەسىمى حالقىمىز ءۇشىن اسا قادىرلى. ول قازاقتىڭ حالىق مۋزىكاسىن كەڭىنەن ناسيحاتتاپ, ۇلتتىق مادەنيەتكە زور ۇلەس قوسقان تۇلعا بولعان.
«ۇلتتىق مادەنيەتكە بار جان-تانىمەن بەرىلگەن ازامات رەتىندە فولكلورلىق مۇرالاردى جيناقتاۋ ماقساتىندا كوپتەگەن عىلىمي-شىعارماشىلىق ەكسپەديتسيالارعا باستاماشى بولدى. كوپتەگەن كونە مۋزىكالىق تۋىندىلاردى جاڭعىرتىپ, عىلىمي جۇيەگە ءتۇسىردى. قازاق مۋزىكاسىنا, حالىق كومپوزيتورلارى مەن اقىندارىنىڭ مۇراسىنا ارنالعان بىرقاتار تەلەراديو باعدارلامالارىن جاسادى. قازاق فولكلورىنا شىن جۇرەگىمەن عاشىق, تالانتتى مۋزىكاتانۋشى رەتىندە حالقىمىزدىڭ ءداستۇرلى مۋزىكاسىنىڭ باي الەمىن تىڭدارمانعا جاڭا قىرىنان تانىتتى», دەدى مينيستر.
سونداي-اق ول يۋري ءاراۆيننىڭ تۇتاس ءبىر شىعارماشىلىق بۋىندى تاربيەلەگەن ۇلاعاتتى ۇستاز بولعانىن اتاپ ءوتتى.
«يۋري پەتروۆيچ ءوز ءومىرىن ونەر مەن ۇلت مادەنيەتىنە ارنادى. ونىڭ جارقىن بەينەسى مەن رۋحانياتىمىزعا سىڭىرگەن ەڭبەگى حالىق جادىندا ماڭگى ساقتالادى دەپ سەنەمىن. مارقۇمنىڭ جاتقان جەرى جايلى, توپىراعى تورقا بولسىن!», دەدى ايدا بالاەۆا.
