بايقاۋ جەڭىمپازدارىنا قالا اكىمىنىڭ ورىنباسارى دارحان تۇرسىنباەۆ ديپلوم مەن قارجىلاي سىياقى تابىستادى. بيىل سەگىزىنشى مارتە وتكىزىلگەن «ۇزدىك اۋلا» بايقاۋىنا قاتىسۋعا وننان اسا اۋلا ءوتىنىم ءبىلدىرىپتى. بايقاۋ ۇزدىكتەرىنىڭ ىشىنەن ز. شۇكىروۆ كوشەسى, №100گ ءۇيدىڭ تۇرعىنى ءساليما كوپتىلەۋقىزىنىڭ اۋلاسى كوميسسيا شەشىمىمەن باسىم داۋىسقا يە بولىپ, جەڭىمپاز اتاندى. ەكىنشى ورىندى (150 مىڭ تەڭگە قارجىلاي سەرتيفيكاتى) قورقىت اتا كوشەسى, № 239 ءۇي تۇرعىنى زايناپ باكيرقىزى يەمدەنسە, ال ءىىى ورىن (100 مىڭ تەڭگە قارجىلاي سەرتيفيكاتى) ايتەكە بي كوشەسى, №27 ءۇي تۇرعىنى ۆالەنتينا الەكسەەۆناعا بۇيىردى.
ماراپاتتاۋ راسىمىندە «بىرلىگى جاراسقان اۋلا», «ەڭبەكقور باعبان», «اسەم اۋلا» نوميناتسياسى دا تابىستالدى. قالا تازالىعىن قامتاماسىز ەتۋدە تىنباي ەڭبەك ەتىپ جۇرگەن تازالىق قىزمەتكەرلەرى دە ماراپاتتالىپ, ولارعا قالا اكىمىنىڭ «العىس حاتى» مەن 70 مىڭ تەڭگە قارجىلاي سەرتيفيكات تابىستالدى.
جەڭىمپاز اتانعان تۇرعىن ءۇي اۋلاسىنا «ۇزدىك اۋلا – 2025» تاقتايشاسى ورناتىلدى.
