بيىلعى تۋرنيرگە ەلىمىزدىڭ بارلىق وڭىرىنەن 170 مەكتەپ وقۋشىسى قاتىسىپ وتىر. ەكى كۇن بويى ولار ءوزارا پىكىر الماسىپ, كوكەيكەستى ماسەلەلەر توڭىرەگىندە وي بولىسەدى. تالقىلاناتىن تاقىرىپتار قاتارىندا — پارلامەنتتىك رەفورمالار, تسيفرلاندىرۋ ۇدەرىستەرى جانە وڭىرلەردىڭ دامۋى سىندى ماڭىزدى باعىتتار بار. بۇل – تەك شەشەندىك سايىس ەمەس, بۇل — بولاشاق كوشباسشىلاردىڭ شىڭدالۋ الاڭى.
Respublica پارتياسى ءۇشىن بۇل تۋرنير — جاستارمەن جۇيەلى جۇمىستىڭ ماڭىزدى بولىگى. پارتيا پىكىرسايىستى ازاماتتىق جاۋاپكەرشىلىكتى تاربيەلەيتىن مەكتەپ رەتىندە قاراستىرادى. مۇندا تەك سويلەپ قانا قويماي, تىڭداي بىلۋگە, ويدى دالەلمەن جەتكىزۋگە, ءوز ۇستانىمىڭدى اشىق قورعاۋعا جانە قارسى پىكىرگە قۇرمەتپەن قاراۋعا ۇيرەنەدى.
فينالدىڭ باستى قارارلارىنىڭ ءبىرى — پارلامەنت رەفورماسىنا ارنالادى. بۇل — جاستاردىڭ ەلىمىزدەگى دەموكراتيالىق ۇدەرىستەر مەن ساياسي جۇيەگە دەگەن قىزىعۋشىلىعىنىڭ ارتىپ كەلە جاتقانىن اڭعارتادى.
ء«بىز قازاقستاننىڭ جاڭا بۋىنىن كورىپ وتىرمىز — ءبىلىمدى, باتىل, الەمگە اشىق. ءبىزدىڭ ماقساتىمىز — جاستاردى جاي عانا تىڭداۋ ەمەس, ولارعا ءوزىن كورسەتۋگە ناقتى مۇمكىندىك بەرۋ», — دەدى Respublica پارتياسىنىڭ پارلامەنتتەگى فراكتسياسى مەن ورتالىق اپپاراتىنىڭ وكىلدەرى.
تۋرنير اياسىندا قاتىسۋشىلار قر پارلامەنتى ماجىلىسىنە بارىپ, زاڭ شىعارۋ بيلىگىنىڭ جۇمىسىمەن جاقىن تانىستى.
Respublica پارتياسى جاستار تەك سويلەيتىن ەمەس, ناقتى ىقپال ەتە الاتىن الاڭداردى قالىپتاستىرۋدى جالعاستىرۋدا.
كىل مىقتىلاردىڭ ىشىندە كىمنىڭ مىقتى ەكەندىگى ەرتەڭ بەلگىلى بولادى.
