وسى كەزەڭدە ورتالىقتاردا 1,6 مىڭنان استام ءىس-شارا وتكىزىلگەن. جاستار قالا ءومىرىنىڭ مادەني, ءبىلىم بەرۋ, ەكولوگيالىق جانە ەرىكتىلىك باعىتتارىنا بەلسەندى قاتىسىپ كەلەدى. NEET ساناتىنداعى (وقىمايتىن جانە جۇمىس ىستەمەيتىن) جاستارعا ەرەكشە كوڭىل بولىنگەن.
ماسەلەن, بيىل 6,2 مىڭنان استام ادامعا ەڭبەككە ورنالاسۋ جونىندە كەڭەس بەرىلىپ, 3,9 مىڭنان استام جاس تۇراقتى جۇمىسقا تۇرعان. سونداي-اق, 1 مىڭعا جۋىق جاسقا پسيحولوگيالىق, ال 1,3 مىڭنان استام ءوتىنىش بويىنشا زاڭگەرلىك كومەك كورسەتىلگەن.
كوميۋنيتي ورتالىقتاردىڭ جۇمىسى جۇيەلى تۇردە ۇيىمداستىرىلعان. وندا جاستاردىڭ الەۋەتى باعالانىپ, جەكە دامۋ باعىتى ايقىندالادى, وقۋ مەن تالىمگەرلىك باعدارلامالارعا جانە ءارى قاراي جۇمىسقا ورنالاسۋعا مۇمكىندىك بەرىلەدى. ءار ورتالىق ءوز اۋدانىنىڭ ەرەكشەلىگى مەن جاستاردىڭ سۇرانىسىنا ساي جوبالاردى جۇزەگە اسىرادى.
قالالىق جاستار ساياساتى باسقارماسىنىڭ مالىمەتىنشە, جىل سوڭىنا دەيىن ءار اۋداندا ەكىدەن ورتالىق اشىلىپ, ولاردىڭ جالپى سانى ارتادى.
بۇگىندە الماتىدا قالا اكىمدىگىنىڭ جوبالىق كەڭسەسىنىڭ قولداۋىمەن 11 كوميۋنيتي ورتالىق جۇمىس ىستەيدى. بۇل جاي عانا كوۆوركينگتەر ەمەس, جاستاردىڭ پىكىر الماسىپ, مۇمكىندىگىن دامىتىپ, كومەك الا الاتىن ورتالىق الاڭدارى. مۇندا پسيحولوگيالىق جانە زاڭگەرلىك كەڭەس الىپ, كاسىبي باعداردان ءوتىپ, ءتۇرلى سالاداعى شەبەرلەردىڭ دارىسىنە, ترەنينگ جانە زياتكەرلىك ويىندارعا قاتىسۋعا بولادى.
