گرانت يەگەرلەرىنىڭ ەڭ كوپ بولىگى تالعار اۋدانىندا تىركەلدى — بۇل اۋدان جوعارى وقۋ ورىندارىنا تۇسكەندەر سانى بويىنشا كوش باستاپ تۇر. سونداي-اق ىلە, ەڭبەكشىقازاق, قاراساي اۋداندارى مەن قوناەۆ قالاسىنىڭ كورسەتكىشتەرى دە جوعارى.
ماماندىقتار بويىنشا ەڭ كوپ گرانت پەداگوگيكالىق باعىتقا — 1 440 ادامعا, مەديتسينالىق سالاعا — 770 ادامعا, ال اگرارلىق ماماندىقتارعا — 543 تۇلەككە بەرىلدى. قالعان 4 928 تۇلەك ينجەنەرلىك, IT جانە الەۋمەتتىك-ەكونوميكالىق باعىتتاردى تاڭداعان.
بۇدان بولەك, وبلىستىڭ 27 تۇلەگى قىتاي حالىق رەسپۋبليكاسىنداعى سينتسزيان ۋنيۆەرسيتەتىندە تەگىن وقۋعا مۇمكىندىك الدى. ونىڭ ىشىندە تالعار اۋدانىنان - 6, ىلە اۋدانىنان - 7, ەڭبەكشىقازاق پەن قاراساي اۋداندارىنان - 3, جامبىل اۋدانىنان - 2, الاتاۋ قالاسى - 2 جانە قوناەۆ قالاسىنان - 4 تۇلەك بار.
سونىمەن قاتار, وبلىس اكىمىنىڭ باستاماسىمەن جەرگىلىكتى بيۋدجەتتەن 30 گرانت ءبولىندى: ونىڭ 17-ءسى — مەديتسينالىق باعىتقا (سونىڭ ىشىندە 12-ءسى ينتەرندەرگە), 7-ءسى — اگرارلىق, ال 6 گرانت — پەداگوگيكالىق ماماندىقتارعا ارنالعان.
