بۇل ءتۋرنيردىڭ جۇلدە قورى 4,2 ميلليون تەڭگەنى قۇرادى. ساداقشىلار ءۇش نىسانا بويىنشا سىنعا ءتۇستى. ەرلەردەن پۋتا نىساناسىندا اقتوبەلىك نۇرلان بايماحانوۆ, ايەلدەر اراسىنان ماڭعىستاۋلىق مادينا مۋرادوۆا ۇزدىك اتاندى.
ال قالقاندى كوزدەۋدەن شىمكەنتتەن قاتىسقان جانىبەك قۇلمىرزاەۆ, ەلوردانىڭ نامىسىن قورعاعان ايكوركەم باتيحان ءبىرىنشى جۇلدەنى يەلەندى. سونداي-اق جامبى اتۋدان الي سەسيگيۋزەل (اتىراۋ) مەن ايكوركەم باتيحانعا تەڭ كەلەر سپورتشى تابىلمادى.
«باستاپقىدا ساداق اتۋدى حوببي تۇرىندە تاڭداعان ەدىم. كەيىنگى 5 جىلدان بەرى بۇل سپورتپەن كاسىبي تۇردە اينالىسا باستادىم. بىلتىر شىمكەنت قالاسىندا وتكەن حالىقارالىق ساداق اتۋ تۋرنيرىندە جامبى اتۋدان جەڭىمپاز بولىپ تانىلدىم. سول سايىستان سوڭ حالىقارالىق دارەجەدەگى سپورت شەبەرى اتاندىم. بيىلعى جارىس وتە جوعارى دەڭگەيدە ءوتتى», دەيدى الي سەسيگيۋزەل.
اتىراۋ وبلىسى
