9 مامىردا ەل كولەمىندە قالاارالىق تەلەفون قوڭىراۋلارى تەگىن بولادى

استانا. 8 مامىر. جەڭىس كۇنى قازاقستان بويىنشا قالالىق نومىرلەرگە تەگىن قوڭىراۋ شالۋعا بولادى. بۇل تۋرالى «قازاقتەلەكوم» اكتسيونەرلىك قوعامىنا سىلتەمە جاساپ, YK-news حابارلادى. سونىمەن قاتار, قازاقستان بويىنشا 8 جانە 10-11 مامىر كۇندەرى تۇنگى 12-دەن 3-كە دەيىن بارلىق قوڭىراۋلارعا 15 پايىز, ال 3-تەن تاڭعى 6-عا دەيىن 60 پايىز جەڭىلدىك قاراستىرىلعان. 10-11 مامىر كۇندەرى تاۋلىكتىڭ باسقا ۋاقىتتارىندا قالاارالىق بايلانىس 4 ەسە ارزان بولادى. «قازاقتەلەكوم» اكتسيونەرلىك قوعامى تاراتقان مالىمەتتەر بويىنشا, بۇل جەڭىلدىكتەر تەك جەكە تۇلعالار مەن اۆتوماتتى قالاارالىق تەلەفون بايلانىستارىنا عانا قاتىستى. جەڭىلدىك تەلەفونيست ارقىلى بەرىلگەن تاپسىرىستارعا قولدانىلمايدى. ال تۋعان-تۋىستارىندا تەلەفون جوقتار تەلەگرامما ارقىلى سالەمدەمە جولداي الادى. بايلانىستىڭ بۇل ءتۇرى مەرەكە جانە ءبىر كۇن بۇرىن 50 پايىز جەڭىلدىكپەن قابىلدانادى. بۇل قىزمەت تمد ەلدەرىنە جولداناتىن ۇكىمەتتىك, جاي جانە جەدەل تەلەگراممالارعا قاتىستى. ەلامان قوڭىر. دەرەك: YK-news. سۋرەت: kapital.kz.