فوتو: gov.kz
بۇل تۋرالى ەۋروپا جانە ورتالىق ازيا ەلدەرى بويىنشا يۋنيسەف-ءتىڭ بالالاردى قورعاۋ ماسەلەلەرى جونىندەگى وڭىرلىك كەڭەسشىسى اارون گرينبەرگ ۇيىمنىڭ ءار بەس جىل سايىن وتكىزەتىن حالىقارالىق «MICS» زەرتتەۋىنىڭ ناتيجەلەرىن جاريالاۋ بارىسىندا حابارلادى.
ەلىمىزدە اتا-انالار تاراپىنان بالالاردى تاربيەلەۋ كەزىندە كۇش قولدانۋ, سونىڭ ىشىندە فيزيكالىق جازالاۋ مەن پسيحولوگيالىق اگرەسسيا دەڭگەيى 53%-دان 38%-عا تومەندەگەن.
بالا قۇقىقتارى جونىندەگى ۋاكىل دينارا زاكيەۆا بۋحارەستتە ءوتىپ جاتقان بالالارعا قارسى زورلىق-زومبىلىقتى جويۋ جونىندەگى حالىقارالىق كونفەرەنتسيادا پرەزيدەنت قاسىم-جومارت توقاەۆتىڭ بالالار قاۋىپسىزدىگىن قامتاماسىز ەتۋ باعىتىنداعى رەفورمالارى مەن باستامالارىن تانىستىردى.
سونىمەن قاتار, ول بالالار قۇقىقتارىن قامتاماسىز ەتۋگە باعىتتالعان «قازاقستان بالالارى» باعدارلاماسى اياسىندا اتقارىلاتىن الداعى جۇمىستاردىڭ جوسپارىن ۇسىندى.
بۇعان دەيىن قازاقستانعا يۋنيسەف-ءتىڭ ەۋروپا جانە ورتالىق ازيا بويىنشا وڭىرلىك ديرەكتورى رەدجينا دە دومينيچيس كەلىپ, مەملەكەتتىك كەڭەسشى ەرلان قارينمەن كەزدەسۋ بارىسىندا ەلىمىزدە قابىلدانعان زاڭنامالىق جانە ينستيتۋتسيونالدىق وزگەرىستەردى جوعارى باعالاعان. سونداي-اق, قازاقستاننىڭ تاجىريبەسىن حالىقارالىق دەڭگەيدە كورسەتۋ ماڭىزدى ەكەنىن اتاپ ءوتىپ, اسىرەسە مەكتەپتەردەگى QR-111 جۇيەسى بالالارمەن تىكەلەي بايلانىس ورناتۋعا مۇمكىندىك بەرەتىنىن اتاپ وكەن.
