فوتو: ۇكىمەت, تەلەگرام
ۆيتسە-مينيستر 9 ايدىڭ قورىتىندىسى بويىنشا كولىك جانە قويمالاۋ سالاسىنداعى ناقتى كولەم يندەكسى 121,2%-دى قۇراعانىن اتاپ ءوتتى.
جانىبەك تايجانوۆتىڭ ايتۋىنشا سالانىڭ ءوسۋ قارقىنىنا جۇكتەردى تاسىمالداۋدىڭ جالپى كولەمىنىڭ ۇلعايۋى اسەر ەتىپ وتىر. ول 800 ملن توننادان استى, بۇل وتكەن جىلدىڭ سايكەس كەزەڭىنەن 9,1%-عا ارتىق.
سونىڭ ىشىندە اۆتوموبيل كولىگىمەن جۇك تاسىمالداۋدىڭ 1,3%-عا, جۇكتەردى قۇبىرمەن تاسىمالداۋ بويىنشا 15,9%-عا, سونداي-اق تەمىرجول كولىگىمەن 10,5%-عا ءوسۋى بايقالىپ وتىر.
ال, جولاۋشىلار تاسىمالىنىڭ ءوسۋى (كولىكتىڭ بارلىق تۇرلەرىمەن) 11,9% نەمەسە 1,4 ملرد-تان استام ادامدى قۇراعان.
«تاسىمال كولەمى ەكونوميكانىڭ جاي-كۇيىن كورسەتەدى جانە كورسەتكىشتەردىڭ باسىم بولىگى بويىنشا ءوسىم كورسەتىپ جاتىر. جۇك تاسىمالى كولەمىنىڭ ءوسۋى ەكونوميكانىڭ بازالىق سەكتورىنىڭ دامۋى ەسەبىنەن قامتاماسىز ەتىلدى, اتاپ ايتقاندا تاۋ-كەن مەتاللۋرگياسى, مۇناي-گاز, اۋىل شارۋاشىلىعى, قۇرىلىس جانە ساۋدا سالالارىنىڭ ەسەبىنەن. اتالعان سالالار – كولىك قىزمەتتەرىنىڭ نەگىزگى پايدالانۋشىلارى. ەسەپتى كەزەڭدە ولاردىڭ ءوسۋى وڭ ديناميكانى كورسەتتى», دەپ اتاپ ءوتتى ج.تايجانوۆ.
