فوتو: ۇكىمەت, تەلەگرام
«مەملەكەت باسشىسى وتكەن اپتادا ەكونوميكالىق دامۋ ساپاسىن ارتتىرۋ ماسەلەلەرىنە ارنالعان كەڭەستە ماكروەكونوميكالىق تۇراقتىلىقتى نىعايتۋ, ازاماتتاردىڭ ءال-اۋقاتىن كوتەرۋ جانە ينفلياتسيا دەڭگەيىن تومەندەتۋ شارالارىن قابىلداۋدى تاپسىردى. پرەزيدەنت حالىقتىڭ تابىسىن جاقسارتۋدا ساننان ساپاعا كوشۋدىڭ ماڭىزدى ەكەنىن اتاپ ءوتتى», دەدى ولجاس بەكتەنوۆ.
ۇكىمەتتىڭ ءباسپاسوز قىزمەتىنىڭ مالىمدەۋىنشە ۇكىمەت وتىرىسىندا ۇلتتىق ەكونوميكا ۆيتسە-ءمينيسترى ازامات ءامرين بيىلعى 9 ايدىڭ قورىتىندىسى بويىنشا ەكونوميكانىڭ ءوسۋى 6,3%-ى قۇراعانىن اتاپ ءوتتى. سونىڭ ىشىندە, ناقتى سەكتورداعى ءوسىم 8,1%-دى قۇرادى, قىزمەتتەر ءوندىرىسى 5,3%-عا ءوستى.
سالالار اراسىندا كولىك قىزمەتتەرى ء(وسىم 21,2%-عا), قۇرىلىس (14,9%-عا) جانە تاۋ-كەن ونەركاسىبى (9,3%-عا) ەڭ جوعارى ءوسىم كورسەتتى.
«ساۋدا 8,8%-عا, وڭدەۋ ونەركاسىبى 6,2%-عا, اۋىل شارۋاشىلىعى 4,4%-عا ءوستى. ءجىو ءوسىمىنىڭ 70%-دان استامىن ونەركاسىپ, ساۋدا جانە كولىك سالالارى قامتاماسىز ەتتى», دەدى ازامات ءامرين.
مينيستر سونداي-اق نەگىزگى كاپيتالعا سالىنعان ينۆەستيتسيالار 13,5%-عا ءوسىپ, 13,8 ترلن تەڭگەنى قۇراعانىن ايتتى.
