فوتو: 365 info.kz
دەپۋتاتتىڭ ايتۋىنشا, مەكتەپ – بالانىڭ العاشقى قورعانىس شەبى. مەكتەپ قابىرعاسىندا مىنەز-ق ۇلىق نورمالارى, مەملەكەتكە دەگەن سەنىم, ادىلدىك پەن قاۋىپسىزدىك سەزىمى قالىپتاسادى.
«پرەزيدەنت قازاقستان حالقىنا جولداۋىندا ەشقانداي قۇقىق بۇزۋشىلىققا جول بەرمەۋدىڭ, كەز كەلگەن زاڭسىزدىققا قارسى تۇرۋدىڭ, ۇلتتىق بىرلىكتى نىعايتۋدىڭ جانە جاھاندىق سىن-قاتەر جاعدايىندا ءپاتريوتيزمدى ارتتىرۋدىڭ ماڭىزدىلىعىن ەرەكشە اتاپ ءوتتى. ءدال وسى قاعيدات مەكتەپ ورتاسىنىڭ وزەگىنە اينالۋعا ءتيىس», دەدى دەپۋتات.
ءىىم دەرەكتەرىنە سايكەس, 2025 جىلدىڭ سەگىز ايىندا ەلىمىزدە ەكى مىڭعا جۋىق مەكتەپ پەن بالاباقشا تەكسەرىلگەن. سونىڭ جارتىسىنىڭ كوبىندە – 800-دەن استام نىساندا قاۋىپسىزدىك تالاپتارىنىڭ بۇزىلعانى انىقتالعان.
«بۇل دەگەنىمىز – مىڭداعان بالا كۇن سايىن قاۋىپسىزدىگى ءفورمالدى تۇردە عانا بولعان نىسانداردا ءبىلىم الىپ ءجۇر دەگەن ءسوز. 165 باسشى اكىمشىلىك جاۋاپكەرشىلىككە تارتىلعان. بىراق ماقسات – ايىپپۇل ەمەس, ءاربىر بالانىڭ قاۋىپسىز ورتادا بولۋى ەمەس پە؟», دەدى ول.
ناتاليا دەمەنتەۆانىڭ ايتۋىنشا قازىر ەلىمىزدە شامامەن 8 مىڭ مەكتەپ پوليتسيا ينسپەكتورى جۇمىس ىستەيدى. بۇل, ارينە, جەتكىلىكسىز. اسىرەسە اۋىلدىق جەرلەردە ءبىر ينسپەكتور بىرنەشە مەكتەپكە بىردەي جاۋاپتى. ال ولاردىڭ مەكتەپتە تۇراقتى بولۋى – الىمجەتتىك, ياعني, بۋللينگتىڭ دە, جاسوسپىرىمدەر اراسىنداعى قۇقىق بۇزۋشىلىقتىڭ دا الدىن الاتىن باستى فاكتورلاردىڭ ءبىرى.
«مەكتەپ پسيحولوگتارى قىزمەتىنىڭ جاعدايى دا الاڭداتادى. 2024 جىلى پيلوتتىق جوبا اياسىندا بار بولعانى 11 پسيحولوگ قانا قايتا دايارلاۋدان ءوتتى.
مىڭداعان مەكتەبى بار ەل ءۇشىن بۇل – تەك سان ەمەس, دابىل سيگنالى. پسيحولوگتىڭ جۇكتەمەسى اۋىر بولسا, ينسپەكتور جانىندا بولماسا – بالا سىنىپتاعى, الەۋمەتتىك جەلىدەگى, ءتىپتى ۇيدەگى اگرەسسيامەن جالعىز ءوزى قالادى.
بۇگىنگى كۇنى 81 مىڭنان استام زاڭسىز ينتەرنەت-رەسۋرس تىركەلگەن, سونىڭ 425-ءى ءسۋيتسيدتى ناسيحاتتايدى», دەدى ماجىلىسمەن.
ونىڭ ايتۋىنشا ەگەر ءار مەكتەپتە بىلىكتى مامان بولىپ, بالانىڭ العاشقى دابىلىن دەر كەزىندە بايقاسا – قانشاما تاعدىردى ساقتاپ قالۋشى ەدىك. بۋللينگ, كيبەربۋللينگ, پسيحولوگيالىق قىسىم – ناقتى بالالاردىڭ ءومىرى. سوندىقتان پروفيلاكتيكا ءبىر رەتتىك شارا ەمەس, كۇندەلىكتى جۇيەلى جۇمىسقا اينالۋى كەرەك.
«بىرىنشىدەن, مەكتەپ تەك ءبىلىم بەرۋ ەمەس, قاۋىپسىزدىك پەن الدىن الۋ تۇرعىسىنان دا مەملەكەتتىڭ ەرەكشە باقىلاۋ ايماعىندا بولۋى ءتيىس.
ەكىنشىدەن, مەكتەپ پسيحولوگتارى مەن جاسوسپىرىمدەر ءىسى جونىندەگى ينسپەكتورلاردى دايارلاۋ بويىنشا مەملەكەتتىك باعدارلاما قاجەت. اسىرەسە, اۋىل مەكتەپتەرىنە باسىمدىق بەرۋ كەرەك.
ۇشىنشىدەن, تسيفرلىق ساۋاتتىلىق پەن ونلاين-قاۋىپسىزدىك مادەنيەتى وقۋ باعدارلاماسىنىڭ مىندەتتى بولىگىنە اينالۋعا ءتيىس. بالالار ينتەرنەتتەگى قاۋىپتەن قالاي قورعالۋى كەرەگىن ءبىلۋى قاجەت.
تورتىنشىدەن, بارلىق پروفيلاكتيكالىق شارالار ايقىن, ولشەنەتىن جانە مەرزىمدى بولۋى كەرەك – بەينەباقىلاۋداعى «سوقىر ايماقتاردى» جويۋدان باستاپ, مەكتەپ قاۋىپسىزدىگىنىڭ بىرىڭعاي ستاندارتىنا دەيىن», دەدى ن.دەمەنتەۆا.
دەپۋتاتتىڭ پىكىرىنشە بۇگىندە ماسەلە باعدارلامالاردىڭ بار-جوعىندا ەمەس – مەكتەپ بالانى شىن مانىندە قورعاي الا ما, جوق پا دەگەن سۇراقتا. مەكتەپتەگى پروفيلاكتيكا – بۇل ىشكى ىستەر مينيسترلىگىنىڭ نەمەسە وقۋ-اعارتۋ مينيسترلىگىنىڭ عانا شارۋاسى ەمەس. بۇل – ۇلتتىق قاۋىپسىزدىك ماسەلەسى.
«ەگەر ءبىز ەرتە, الدىن الا ارەكەت ەتۋ جۇيەسىن قۇرماساق, سەبەپپەن ەمەس, تەك سالدارمەن كۇرەسىپ جۇرە بەرەمىز. «بالا ءوزىن قاۋىپسىز سەزىنەتىن جەردە زاڭدى, قوعامدى جانە وتانىن قۇرمەتتەيتىن ازامات قالىپتاسادى» دەگەندى ۇمىتپاۋىمىز كەرەك. سوندا عانا ەشقانداي قۇقىق بۇزۋشىلىققا جول بەرمەۋ تۋرالى قاعيدات قوعامنىڭ ءومىر ءسۇرۋ نورماسىنا اينالادى», دەپ تۇيىندەدى ءماجىلىس دەپۋتاتى ناتاليا دەمەنتەۆا.
