ۇلتتىق ستاتيستيكا بيۋروسىنىڭ مالىمەتىنشە 2025 جىلدىڭ قازان ايىنىڭ باسىنان بەرى الەۋمەتتىك ماڭىزى بار سەگىز ازىق-ت ۇلىك ءتۇرىنىڭ باعاسى تومەندەگەن. التى تاۋار بويىنشا باعا تۇراقتى دەڭگەيدە ساقتالعان. 30 قىركۇيەك پەن 7 قازان ارالىعىنداعى اپتا ىشىندە الەۋمەتتىك ماڭىزى بار ازىق-ت ۇلىك تاۋارلارىنىڭ باعا يندەكسى 0% دەڭگەيىندە بولدى. پياز 2,6%-عا, ءسابىز 1,7%-عا, قىرىققابات 1,0%-عا, كارتوپ 0,8%-عا, كۇنباعىس مايى مەن قانت 0,3%-عا, ۇن مەن كۇرىش –0,1%-عا ارزاندادى.
نان, روجكي, تاۋىق ەتى, ايران جانە تۇز باعاسى وزگەرىسسىز قالدى.
سونداي-اق ءبىر اپتا ىشىندە كەيبىر ونىمدەردىڭ باعاسى ءوستى: قاراقۇمىق جارماسى 0,7%-عا, سيىر ەتى 0,4%-عا, سارى ماي مەن جۇمىرتقا 0,3%-عا, ءسۇت پەن سۇزبە 0,1%-عا قىمباتتادى.
- وڭىرلىك كوميسسيالار باعا ءتۇزىلۋ تىزبەگىندەگى ءتيىمسىز جانە نەگىزسىز دەلدالداردى انىقتاۋ باعىتىندا جۇيەلى جۇمىس جۇرگىزىپ كەلەدى. 2025 جىلدىڭ باسىنان بەرى 797 وتىرىس وتكىزىلىپ, ولاردىڭ بارىسىندا نەگىزسىز باعا ۇستەمەلەرى انىقتالدى. اۋماقتىق دەپارتامەنتتەر الەۋمەتتىك ماڭىزى بار ازىق-ت ۇلىك تاۋارلارىنا بەلگىلەنگەن 15%-دىق شەكتى ساۋدا ۇستەمەسىنىڭ ساقتالۋىن باقىلاۋدى جالعاستىرۋدا. بيىل وسى تالاپتى بۇزعاندارعا قاتىستى 2 293 اكىمشىلىك قاۋلى شىعارىلعان. سونىمەن قاتار, 9 890-نان استام ەلەكتروندى شوت-فاكتۋرا (ەشف) تىزبەگى تالدانىپ, ولاردىڭ 886-سىندا زاڭنامانى بۇزۋ قاۋپى انىقتالعان, - دەپ اتاپ ءوتتى ساۋدا جانە ينتەگراتسيا مينيسترلىگىنەن.
قازىرگى ۋاقىتتا اۋىل شارۋاشىلىعى جارمەڭكەلەرى بەلسەندى وتكىزىلىپ جاتىر. سونىمەن قاتار, «بەرەكە Fest» جوباسى ىسكە قوسىلدى. بۇل باستاما اياسىندا ساۋدا جەلىلەرى الەۋمەتتىك جاۋاپكەرشىلىك تانىتىپ, ارنايى سورەلەر ۇيىمداستىردى جانە اگروفيرمالارعا ەت پەن الەۋمەتتىك ماڭىزى بار ونىمدەردى جەتكىزۋ جۇيەسىنە تىكەلەي قاتىسۋعا مۇمكىندىك بەردى. جوباعا 80 ساۋدا جەلىسى قاتىسىپ وتىر.
بۇعان قوسا, رەسپۋبليكا كۇنىن مەرەكەلەۋگە دايىندىق ءجۇرىپ جاتىر. ساۋدا جانە ينتەگراتسيا مينيسترلىگى ءىرى ساۋدا-ويىن-ساۋىق ورتالىقتارىمەن جانە ونلاين ساۋدا پلاتفورمالارىمەن كەلىسسوزدەر جۇرگىزدى. جەڭىلدىكتەر اكتسياسى ازىق-ت ۇلىك جانە ازىق-ت ۇلىككە جاتپايتىن تاۋارلاردىڭ كەڭ اۋقىمىن قامتيتىن بولادى.
ءتورتىنشى توقساندا سەنبى, جەكسەنبى جانە مەرەكە كۇندەرى شامامەن 1 700 اۋىل شارۋاشىلىعى جارمەڭكەسىن وتكىزۋ جوسپارلانىپ وتىر. وتاندىق وندىرۋشىلەرگە بۇل جارمەڭكەلەردە ساۋدا جاساۋ ءۇشىن ورىندار تەگىن ۇسىنىلادى.
