استانا. 8 مامىر. شىمكەنت قالاسىنىڭ تۇرعىندارى پاتريوتتىق اكتسيا اياسىندا جەڭىس لەنتاسىن ورداباسى الاڭىنان اباي اتىنداعى ساياباقتا ورنالاسقان داڭق ەسكەرتكىشىنە دەيىن الىپ ءجۇردى. بۇل تۋرالى today.kz حابارلادى.
لەنتانىڭ سالماعى 50 كگ. شارانى ۇيىمداستىرۋشىلار وسى باستامالارىمەن گيننەس رەكوردتار كىتابىنا ەنۋدى جوسپارلاپ وتىر.
سونداي-اق, اكتسياعا سوعىس ارداگەرلەرى مەن تىل ەڭبەككەرلەرى دە قاتىستى. اعا بۋىن وكىلدەرى جەڭىس لەنتاسىن كولىكتە وتىرىپ الىپ ءجۇردى. قاتىسۋشىلار ۇلى جەڭىس تۋرالى ولەڭدەر وقىپ, ءان سالدى. جەڭىس لەنتاسىن الىپ جۇرۋگە نيەت بىلدىرگەن كەز كەل ادام قاتىسقانىن ايتا كەتەيىك.
شارانى ۇيىمداستىرۋشىلار لەنتامەن ءۇش شاقىرىمنان استام جول ءجۇرىپ ءوتتى. يگى باستاما سوڭى قالانىڭ شىعارماشىلىق ۇجىمى ۇيىمداستىرعان كونتسەرتپەن جالعاستى. اكتسيا اياقتالعان سوڭ لەنتانى جەڭىس ساياباعىنداعى «ەرلىك» جەرگىلىكتى مۋزەيىنە تاپسىرۋ ۇيعارىلعان.
ەلامان قوڭىر.
دەرەك, سۋرەت: today.kz.
