بۇل كۇندەرى 40-تىڭ قىرقاسىنان اسقان نۇرجان كەزىندە ەلىمىزدىڭ بەلدى بالۋاندارىنىڭ ءبىرى بولدى. ول 1999 جىلى جاسوسپىرىمدەردىڭ الەم بىرىنشىلىگىندە توپ جارسا, 2000 جىلى جاستار اراسىندا ازيا چەمپيونى اتاندى. ەرەسەكتەر اراسىندا ازيا چەمپيوناتىندا بەس رەت جەڭىس تۇعىرىنا كوتەرىلدى. 2006 جىلى الماتىدا التىن السا, 2005 پەن 2010 جىلدارى كۇمىسپەن كۇپتەلدى. ال 2003 جانە 2007 جىلدارداعى جارىستى قولا مەدالمەن قورىتىندىلادى. ودان بولەك, قاتاەۆ بىرقاتار اسا ءىرى حالىقارالىق جارىستاردا جۇلدەلى ورىنداردى يەلەندى.
كاسىبي سپورتشى رەتىندە مانسابىن اياقتاعاننان كەيىن نۇرجان بىرقاتار مەكەمەلەردە باسشىلىق قىزمەت اتقاردى. بۇل كۇندەرى ول – قازاقستان كۇرەس فەدەراتسياسىنىڭ ۆيتسە-پرەزيدەنتى. سونىمەن قاتار, سپورتتى ومىرلىك سەرىگىنە اينالدىرعان قازاقتىڭ نار تۇلعالى ازاماتى ءالى دە جاتتىعۋدان قول ۇزگەن جوق. قاتاەۆ ءتۇرلى جارىستاردا ءجيى بوي كورسەتۋدە. مىنە, كەشە عانا ول ارداگەرلەر اراسىندا الەم چەمپيونى اتاندى.
