كاسىپورىن باسشىسى دانيل بەرەزيننىڭ ايتۋىنشا, بۇل بەرەكەلى بيزنەستى اۋەلى اكەسى اندرەي الەكسەەۆيچ باستاپ, كەيىن ۇلىنا سەنىپ تاپسىرعان. دانيل اندرەەۆيچتىڭ دە كومپانياعا باسشىلىق ەتكەنىنە 10 جىلدان اسىپتى.
اكەسى اندرەي – تاجىريبەلى دانەكەرلەۋشى. سودان ءوز ۇيىنە اۆتوماتتى تۇردە جىلۋ تاراتاتىن تۇرمىستىق قازاندىقتى جاساپ شىعارۋدى ويلاستىرىپتى. كۇنى-ءتۇنى پەش كۇزەتىپ, ماشاقاتتان قۇتىلۋدى كوزدەگەن ول تەحنولوگياسىن ءبىراز ۋاقىت ىزدەگەن كورىنەدى. ءسويتىپ, قىزۋى كۇشتى پەشتى جاساپ شىعارادى. مۇنى كورگەن تامىر-تانىسى, كورشى-قولاڭى اندرەيدىڭ التىن قولىنان شىققان پەشكە قىزىعىپ, تاپسىرىس بەرەدى. وسىلايشا, اۆتوماتتى جىلىتۋ پەشىنىڭ اتى شىعىپ, قازىر يندۋستريالدى الىپ كومپانياعا اينالادى.
ء«ۇيدىڭ شويىن پەشتەرى مەن اۆتوماتتى قازاندىقتار ءوندىرىپ, قازىر تاجىريبەلى 180 ماماندى جۇمىسپەن قامتىپ وتىرمىز. 2013 جىلى كاسىپورنىمىزدى زاڭداستىرىپ, «گورنياك» برەندىن قالىپتاستىردىق. رەسەي, قىرعىزستان, وزبەكستان ەلدەرىنەن دە تاپسىرىس الامىز. كاسىپورىندا قازاندىقتار مەن سۋ جىلىتقىشتاردان باستاپ, جەلدەتكىشتەر مەن اۆتوماتيكاعا دەيىن ءوندىرىلىپ جاتىر. قاتتى وتىن, گاز, ەلەكتر قازاندىقتارى, مونشا پەشتەرى مەن سورعىلاردىڭ ساپا كەپىلى بار», دەيدى كاسىپورىن باسشىسى.
ايتۋىنشا, تاياۋدا يتاليالىق مامانمەن سەرىكتەستىك ورناتىپ, كاسىپورىنعا بىرقاتار جاڭاشىلدىق تا ەنگىزىپتى. جاقىندا RBK بانكى مەن «دامۋ» قورىنىڭ جان-جاقتى قولداۋىنىڭ ارقاسىندا دەربەس عيماراتقا كوشىپ بارىپتى.
ونەركاسىپتىك روبوتوتەحنيكا سالاسىنداعى الەمگە «Kuka» اتاۋىمەن تانىمال نەمىس كومپانياسىنىڭ دانەكەرلەۋ روبوتتارى قىزمەتتەرىن ءمىنسىز اتقارادى: تەمىر تىگىسىن جوعارى دالدىكپەن دانەكەرلەيدى. ياعني ءونىم ساپاسى ارتادى. اتالعان نەمىس كومپانياسى اۆتوماتتاندىرۋ جانە روبوت جاساۋ تەحنولوگيالارىن دامىتۋدا الەم بويىنشا جەتەكشى سانالادى. ونىڭ روبوتتارى اۆتوموبيل, لوگيستيكا, ەلەكترونيكا, مەديتسينا, مەتالل وڭدەۋ جانە باسقا دا سالالاردا كەڭىنەن قولدانىسقا يە. كومپانيادا كەڭ اۋقىمدى قىزمەت ءتۇرى بار. جۇيە جولعا قويىلعان. ەلدىڭ تۇكپىر-تۇكپىرىندە كاسىپورىن فيليالدارى مەن دۇكەندەرى جۇمىس ىستەيدى. قازىر قاراعاندى, الماتى, استانا, كوكشەتاۋ, پەتروپاۆل, قوستاناي جانە وسكەمەندە ورنالاسقان 13 دۇكەنى تۇتىنۋشىلارعا جوعارى قىزمەت ءتۇرىن ۇسىنىپ وتىر.
كاسىپورىن ءوز ونىمدەرىنەن بولەك, حالىقارالىق دەڭگەيدەگى ايگىلى برەندتەردىڭ پەش جابدىقتارىن دا ۇسىنادى. مىسالعا, «Ferrolli» مەن «Immergas» (يتاليا), «Kospel» (پولشا), «مەتالليك ي كو» (رەسەي), «KG Elektronik» (تۇركيا), «كەلەت» (الماتى) سياقتى الەمدىك وندىرۋشىلەردىڭ جابدىقتارى كومپانيانىڭ ءونىم جەلىسىن تولىقتىرىپ, تۇتىنۋشىلارعا اۋقىمدى تاڭداۋ مۇمكىندىگىن ۇسىنىپ وتىر.
كاسىپورىندا گاز, كومىر جانە ەلەكترلىك جىلىتۋ قازاندىعىن كەز كەلگەن ايماققا تۇراققا جەتكىزۋ قىزمەتى بار. ساپا كەپىلدىگى دە قوسا بەرىلەدى. جىلىتۋ قازاندىقتارى جەكە ۇيلەردى, ساياجايلاردى, وندىرىستىك جانە قويمالىق عيماراتتاردى جىلىتۋ ءۇشىن ءساتتى قولدانىلادى. ءارى مۇنداعى تاجىريبەلى ماماندار جابدىقتى تاڭداۋعا كەڭەس بەرىپ, ونى جەتكىزىپ, قاجەت دەسەڭىز, ورناتۋ جۇمىستارىنا قولعابىس ەتەدى.
قازىرگى ۋاقىتتا «اۆتوماتتى قازاندىقتار» ءوز ونىمدەرىن «Must» برەندى بويىنشا ينۆەرتورلارمەن تولىقتىرىپ وتىر. بۇل ينۆەرتورلار ەلەكتر قۋاتى وشكەن جاعدايدا اينالىم سورعىسىن توقتاتپاي, قازاندىقتىڭ قىزىپ كەتۋىنە جول بەرمەي, جىلۋ بەرۋدى قامتاماسىز ەتەدى. وسىنداي وڭتايلى قۇرىلعىنى قوسا ۇسىناتىن كومپانيا ءاردايىم ىزدەنىس ۇستىندە. ويتكەنى قىزمەتكەرلەرىن جىل سايىن ارنايى وقۋ كۋرستارىنا جىبەرەدى. وندىرىستىك تاجىريبەدەن وتۋگە كەلگەن ستۋدەنتتەرگە دە ەسىگى اشىق. ءتىپتى جۇمىس-شارۋانى جەدەل مەڭگەرەتىن بولسا قاتارلارىنا قوسۋعا دا دايىن.
قاراعاندى وبلىسى
