فوتو: gov.kz
300 اۆتوبۋستىڭ 118-ءى قالاعا جەتكىزىلىپ, جەلىگە شىعارۋعا ازىرلەنىپ جاتىر. ال قالعان 182 قوعامدىق اۆتوبۋستى الداعى 3-4 ايدا جەتكىزۋ جوسپارلانعان.
«جاڭا اۆتوبۋستار جەلىدەگى كولىك سانىن ارتتىرۋعا مۇمكىندىك بەرەدى, سونىڭ ناتيجەسىندە ايالدامادا كۇتۋ ۋاقىتى قىسقارادى, جاڭا باعىتتار اشىلىپ, ەسكى اۆتوبۋستار كەزەڭ-كەزەڭىمەن اۋىستىرىلادى», دەپ جازدى جەڭىس قاسىمبەك.
قالا اكىمى LRT جوباسىنىڭ قازىر قانداي ساتىدا تۇرعانىن دا ايتتى.
«LRT جوباسىن ىسكە اسىرۋ جۇمىسى جالعاسىپ جاتىر, قازىردىڭ وزىندە سىناقتىق ىسكە قوسۋ جۇمىسى باستالىپ كەتتى. سونداي-اق, جولدار مەن جول ايرىقتارىن سالۋ جانە جوندەۋ جۇمىسى جۇرگىزىلىپ جاتىر. سوڭعى جىلدارى ەلوردادا ەكى كوپىر پايدالانۋعا بەرىلدى. وسى باعىتتاعى جۇمىستار الداعى ۋاقىتتا دا جالعاسىن تابادى», دەدى استانا قالاسىنىڭ اكىمى.
