اسكەري اۋلەت ەلىمىزدە تۇڭعىش رەت وسىنداي بايقاۋ باستالدى

كەشە رەسمي تۇردە «اسكەري اۋلەت» العاشقى رەسپۋبليكالىق باي­قاۋى باستالدى. ول وتباسىلىق قۇن­دىلىقتاردى كەڭىنەن ناسيحات­تاۋعا, وسكەلەڭ ۇرپاقتى پاتريوتتىق جانە ادامگەرشىلىككە تاربيەلەۋ نەگىزدەرى رەتىندە قازاقستاندىق اسكەري قىزمەتشىلەردىڭ وتباسىنا دەمەۋ بولۋعا باعىتتالعان. اتالعان بايقاۋعا قارۋلى كۇش­تەردە قىزمەت اتقارعان, سونداي-اق ۇلى وتان سوعىسىنا قاتىسقان اكە­لەرىنىڭ, انالارىنىڭ, اتالارى مەن اپالارىنىڭ داڭقتى اسكە­ري داستۇرلەرىن جالعاستىرا وتىرىپ, قازىرگى ۋاقىتتا قازاق­ستان­دىق ارميادا قىزمەت ەتىپ جۇرگەن اسكەري قىزمەتشىلەر قاتى­سىپ, وتباسىنىڭ ەرەكشە قۇندى­لىق­تارىن ايتىپ بەرە الادى. «اسكەري اۋلەت» بايقاۋى بۇكىل ەل­گە ۇرپاقتان-ۇرپاققا اسكەري قىز­­مەت ءداس­تۇرىن جالعاستىرىپ كەلە جاتقان ايبىندى اسكەري قىز­مەت­شىلەردىڭ اۋلەتى تۋرالى پاش ەتەدى. قازاقستان رەسپۋبليكاسى قورعانىس مينيسترلىگىنىڭ وسى ءىس-شاراسىنا قاتىسۋعا نيەت بىلدىرۋشىلەرگە جاۋىنگەرلىك ماراپاتتار, وتباسى مۇشەلەرىنىڭ ەڭبەكتەرى مەن جە­تىستىكتەرى, داستۇرلەرى مەن قاسيەتتەرى تۋرالى اڭگىمەلەي وتىرىپ, ءوزىنىڭ اسكەري اۋلەتىنىڭ پورتفوليوسىن ۇسىنۋلارى قاجەت. وتىنىمدەر اعىمداعى جىلعى تامىزدىڭ 5-ءى مەن 25-ءى ارالىعىندا قابىلدانادى.