«الماتىعا «World Craft City» مارتەبەسىنىڭ بەرىلۋى – قالامىز ءۇشىن ايتۋلى جەتىستىك. بۇل كوركەم شاھاردىڭ كرەاتيۆتى يندۋستريا مەن مادەني تۋريزم ورتالىعى تۇرعىسىنداعى حالىقارالىق بەدەلىن كوتەرەدى. سونىمەن قاتار وتاندىق قولونەرىمىزدى الەمدىك دەڭگەيدە تانىتىپ, قالا ەكونوميكاسىنا ينتەگراتسيالانعان تۇراقتى ەكوجۇيەسىن قالىپتاستىرۋعا جول اشادى», دەدى الماتى قالالىق تۋريزم باسقارماسىنىڭ باسشىسى عاليا توقسەيىتوۆا.
فەستيۆال بارىسىندا دۇنيەجۇزىلىك قولونەرشىلەر كەڭەسى ازيا-تىنىق مۇحيتى ايماعىنىڭ پرەزيدەنتى «Jude van der Merwe» شاھارىمىزدىڭ وسى مارتەبەگە لايىق ەكەنىن جەتكىزدى.
«بۇل الماتى قالاسىنىڭ قولونەردى دامىتۋ مەن حالىقارالىق مادەني ىنتىماقتاستىققا قوسقان ۇلەسىن مويىنداۋ دەپ تۇسىنۋگە بولادى. مۇندا شەبەرلەرگە جاقسى قولداۋ كورسەتىلەدى, سالت-ءداستۇردى ساقتاپ, كەلەر ۇرپاققا جەتكىزۋگە بارىنشا جاعداي جاسالعان. بۇل – دۇنيەجۇزىلىك قولونەرشىلەر كەڭەسىنىڭ ماقساتىنا تولىق سايكەس كەلەدى», دەدى ول.
مىسالى, بيىلعى التى ايدا الماتىعا 1,14 ملن تۋريست كەلسە, ونىڭ 323 مىڭى – شەتەلدىك قوناقتار. ايتقانداي, فەستيۆالدىڭ ەستە قالارلىق ەرەكشە ءساتىنىڭ ءبىرى – الىپ كۇشتىڭ يەسى, بۇعان دەيىن دە ءتورت رەت الەم رەكوردىن جاڭارتىپ, گيننەس رەكوردتار كىتابىنا اتى جازىلعان وتانداسىمىز سەرگەي تسىرۋلنيكوۆ ەرەكشە ونەر كورسەتىپ, جاڭا الەمدىك رەكورد جاسادى. ول نەبارى 54 سەكۋندتىڭ ىشىندە توعىز تەمىر تاعانى مايىستىردى.
الماتى
