"قايرات" فك تاجىريبەلى قورعاۋشى, بەلارۋس قۇراماسىنىڭ كاپيتانىمەن كەلىسىم-شارت ۇزارتقانىن قۋانا مالىمدەيدى. جاڭا كەلىسىم 2026 جىلدىڭ سوڭىنا دەيىن ەسەپتەلگەن جانە تاعى ءبىر ماۋسىمعا ۇزارتۋ مۇمكىندىگى بار, - دەپ مالىمدەدى "قايرات" كلۋبىنىڭ ءباسپاسوز قىزمەتى.
الماتىلىقتاردىڭ كاپيتانى سانالاتىن مارتىنوۆيچ "قايراتقا" 2024 جىلدىڭ جازىندا اۋىسقان بولاتىن. ول بارلىق تۋرنيرلەردە 48 ماتچ وتكىزىپ, بەس گول سوعىپ, ەكى ناتيجەلى پاس بەرگەن.
"سارى-قارالار" ساپىندا بەلورۋس فۋتبولشىسى قازاقستان چەمپيونى (2024), قازاقستان سۋپەركۋبوگىنىڭ يەگەرى (2025) اتاندى جانە "قايراتتىڭ" چەمپيوندار ليگاسىنىڭ نەگىزگى كەزەڭىنە شىعۋىنا ۇلەس قوستى.
بۇگىن, 5 قازان كۇنى الماتىلىق "قايرات" قازاقستان پرەمەر-ليگاسىنىڭ 24-تۋرىنىڭ شەگەرىلگەن ماتچ اياسىندا تالدىقورعاندىق "جەتىسۋدى" قابىلدايدى. كەزدەسۋ الماتىدا 16:00-دە باستالادى. بۇعان دەيىن ەكى كوماندا 56 رەت جولىققان: الماتىلىقتار 33 رەت جەڭىسكە جەتسە, تالدىقورعاندىقتار 12 ويىندا باسىم تۇسكەن, تاعى 11 ماتچ تەڭ اياقتالعان. دوپتار ايىرماسى – "قايراتتىڭ" پايداسىنا 86:44. قازىر "قايرات" 52 ۇپايمەن تۋرنير كەستەسىندە ەكىنشى ورىندا, ال "جەتىسۋ" 21 ۇپاي جيناپ, ونىنشى ورىندا تۇر.
