فوتو: قورعانىس مينيسترلىگى
قوعام دا قوردالانعان بۇل ماسەلەگە بەي-جاي قارامايدى. سوندىقتان بۇگىندە ساربازداردىڭ انالارىنان قۇرىلعان «انالاردىڭ جۇرەگى» كوميتەتى قارقىندى جۇمىسقا كىرىسكەن.
«بۇدان باسقا, مورالدىق-پسيحولوگيالىق احۋالدى مونيتورينگتەۋ ماقساتىندا بولىمشەلەردە ءانونيمدى ساۋالناما ادىسىمەن ساۋالنامالار جۇيەلى تۇردە جۇرگىزىلەدى, ولاردىڭ ناتيجەلەرى ۋاقىتىلى شارالار قابىلداۋ ءۇشىن اسكەري بولىمدەردىڭ كومانديرلەرىنە (مەكەمەلەر باستىقتارىنا) جەتكىزىلەدى. قارۋلى كۇشتەر, باسقا دا اسكەرلەر مەن اسكەري قۇرىلىمدار وكىلدەرىنىڭ قاتارىنان قولدانىلاتىن پسيحودياگنوستيكالىق ادىستەمەلەردىڭ وزەكتىلىگىن قاراۋ, زەرتتەۋدىڭ جاڭا جانە ءتيىمدى ادىستەرىن ەنگىزۋ, قولدانىستاعى نورماتيۆتىك-قۇقىقتىق اكتىلەرگە وزگەرىستەر مەن تولىقتىرۋلار ەنگىزۋ, اسكەرگە شاقىرىلۋشىلاردى زەردەلەۋدىڭ, ىرىكتەۋدىڭ جانە جەكە قۇراممەن تولىقتىرۋدىڭ بىرىڭعاي ءتارتىبىن ايقىنداۋعا قاتىستى, ولارداعى قىزمەتتىڭ ەرەكشەلىگىن ەسكەرە وتىرىپ, جۇمىس توبى قۇرىلدى», دەدى ارمان قالىشەۆ.
بۇل ماسەلەمەن كۇرەسكەننەن ونىڭ الدىن العان ءتيىمدى ەكەنى بارشاعا ايان. سوندىقتان جاۋاپتى قورعانىس مينيسترلىگى سۋيتسيدكە بەيىم ازاماتتاردى ەرتە انىقتاۋعا دەن قويىپ وتىر. وسى ماقساتتا ۆەدوموستۆو AI-sulu Telegram-بوتى مەن PSY - تاۋەكەل ادىستەمەسىن ىسكە قوسقان.
«PSY-تاۋەكەل (PSY-ريسك) – اسكەرگە شاقىرۋ كەزەڭىندە قولدانىلاتىن رەگلامەنتتەلگەن كوپساتىلى پسيحودياگنوستيكالىق تەتىك. باستاپقى سكرينينگ, تەرەڭدەتىلگەن پسيحولوگيالىق تەكسەرىس, قاجەت بولسا پسيحياتريالىق ساراپتاما جۇرگىزەدى. جۇيە سۋيتسيدتىك بەيىمدىلىك بەلگىلەرى بار تۇلعالاردى ەرتە انىقتاپ, ولاردى قىزمەتكە جىبەرمەۋ نەمەسە قوسىمشا مەديتسينالىق باعالاۋعا جولداۋ ارقىلى بولىمدەردەگى مورالدىق-پسيحولوگيالىق كليمات پەن قاۋىپسىزدىكتى قورعاۋدى كوزدەيدى. بۇل ءراسىم قۇجاتتىق تۇردە نەگىزدەلىپ, ناتيجەلەرى قىزمەتكە جارامدىلىق تۋرالى ۇيىمداستىرۋشىلىق-قۇقىقتىق شەشىمدەرگە نەگىز بولادى جانە جالعان وڭ-تەرىس كورسەتكىشتەرىن تومەندەتۋ ءۇشىن ادىستەمەلىك باقىلاۋمەن سۇيەمەلدەنەدى», دەدى قورعانىس مينيسترلىگى تاربيە جانە يدەولوگيالىق جۇمىستار دەپارتامەنتى پسيحولوگيالىق جانە اسكەري-الەۋمەتتىك جۇمىستار باسقارماسىنىڭ باستىعى.
ال AI-sulu Telegram-بوتى اسكەري قىزمەتشىلەر مەن ولاردىڭ وتباسىلارىنا ارنالعان ءانونيمدى تسيفرلىق كورسەتكىش. تاۋلىك بويى قازاق جانە ورىس تىلدەرىندە قىسقا پسيحو-ءبىلىم بەرۋ ماتەريالدارىن, ءوزىن-ءوزى رەتتەۋ الگوريتمدەرىن, كۇيزەلىستى ازايتۋعا ارنالعان جاتتىعۋلاردى ۇسىنادى جانە قاجەت بولعاندا ءبولىم پسيحولوگىنا نە مەديتسينالىق قىزمەتكە باعىتتايدى. ياعني ەل ارمياسىنداعى كىلتيپاندى جويۋ ءۇشىن قىزمەتكە شاقىرۋشىلار مەن قاتار اسكەري قىزمەتشىلەر دە ارنايى ازىرلىكتەن ءوتىپ, كەڭەسكە جۇگىنە الادى.
«AI-sulu – قىزمەت بارىسىنداعى جەدەل قولداۋ مەن رەسۋرستارعا باعىتتايتىن ساندىق ناۆيگاتسيا, ال PSY-تاۋەكەل – شاقىرۋ الدىنداعى ىرىكتەۋ جانە الدىن الۋ قۇرالى. ءبىرىنشىسى قۇپيالىلىق پەن 24/7 قولجەتىمدىلىك ارقىلى ەرتە كومەككە جول اشادى; ەكىنشىسى كادرلىق قاۋىپتەردىڭ الدىن الىپ, وقىس جاعدايلاردىڭ جيىلىگىن ازايتادى. ەكەۋى بىرگە «ىرىكتەۋ, بەيىمدەلۋ, ۇزدىكسىز پسيحولوگيالىق سۇيەمەلدەۋ» تۇتاس كونتۋرىن قالىپتاستىرىپ, اسكەردىڭ پسيحولوگيالىق تۇراقتىلىعىن جۇيەلى تۇردە كۇشەيتەدى», دەپ ءتۇسىندىردى مامان.
