ءىىم باسشىسى «قازاقستان رەسپۋبليكاسىنىڭ ىشكى ىستەر ورگاندارىنىڭ اسكەري قىزمەتشىلەرىنە اقشالاي قامتۋدى, جاردەماقىلاردى جانە وزگە دە تولەمدەردى تولەۋ قاعيدالارىن بەكىتۋ تۋرالى» بۇيرىعىنا وزگەرىستەر ەنگىزدى. قۇجات 2025 جىلعى 10 قازاننان باستاپ كۇشىنە ەنەدى. بۇيرىققا سايكەس, ەندى قازاقستاندىق اسكەري قىزمەتشىلەر تاۋلىگىنە 1,2 اەك مولشەرىندە (4718 تەڭگە) دالالىق تولەمدەر الا باستايدى.
– دالالىق تولەمدەر اسكەري قىزمەتشىگە (مەرزىمدى اسكەري قىزمەتشىلەردەن, اسكەري وقۋ ورنىنىڭ كۋرسانتتارى مەن كادەتتەرىنەن, اسكەري جيىنعا شاقىرىلعان اسكەري مىندەتتىلەردەن, رەزەرۆتە اسكەري قىزمەت وتكەرىپ جۇرگەندەردەن باسقا) تاۋلىگىنە 1,2 اەك مولشەرىندە تولەنەدى. بۇل تولەم ءىسساپار شىعىندارىنسىز دالالىق جۇمىستاردا (ارنايى دالالىق جۇمىستاردان باسقا), تۇراقتى تۇرعىلىقتى جەرىنەن تىس جەردە ورنالاسۋ جاعدايىنا قاراماستان, تەڭىزگە شىعۋلاردا, وقۋ-جاتتىعۋلارعا قاتىسۋ نەمەسە كەمەلەردىڭ جورىقتارىندا تولەنەدى, – دەلىنگەن قۇجاتتا.
سونىمەن قاتار, اسكەري قىزمەتشىلەر تولەمدەردى قىزمەت ورنىنا قايتقاننان كەيىن جەتى كۇن ىشىندە الادى.
