فۋتبول • 30 قىركۇيەك, 2025

«قايرات» – «رەال مادريد» ويىنىن تاماشالاۋعا 5 مىڭ شەتەلدىك تۋريست كەلدى

140 رەت

كورسەتىلدى

1 مين

وقۋ ءۇشىن

الماتىدا وتەتىن «قايرات» – «رەال مادريد» ماتچىن تاماشالاۋ ءۇشىن 26-29 قىركۇيەك ارالىعىندا 5 مىڭنان استام شەتەلدىك قوناق كەلدى. قازاقستاننىڭ وزگە وڭىرلەرىنەن كەلگەن جانكۇيەرلەرمەن بىرگە جالپى كورەرمەن سانى ونداعان مىڭ ادامعا جەتتى, دەپ حابارلايدى Egemen.kz الماتى قالاسى تۋريزم باسقارماسى «e-Qonaq» اقپاراتتىق جۇيەسىنىڭ دەرەكتەرىنە سىلتەمە جاساپ.

ارمان وكتيابر

«قايرات» – «رەال مادريد» ويىنىن تاماشالاۋعا 5 مىڭ شەتەلدىك تۋريست كەلدى

نەگىزگى تۋريستەر لەگى قىتاي, ءۇندىستان, رەسەي, قازاقستاننىڭ باسقا وبلىستارىنان, سونداي-اق جاپونيا, ۇلىبريتانيا, يسپانيا, چەحيا, تمد جانە وزگە دە ەۋروپا مەملەكەتتەرىنەن كەلگەن.

ماتچتىڭ ەكونوميكالىق اسەرى ايتارلىقتاي جوعارى بولماق. ساراپشىلاردىڭ مالىمەتىنشە, الماتىعا كەلگەن شەتەلدىك ءتۋريستىڭ ورتاشا شىعىنى شامامەن 1 500 اقش دوللارىنا جەتەدى. بۇل قارجىعا قوناق ۇيدە تۇرۋ, تاماقتانۋ, كولىك, ويىن-ساۋىق پەن ساۋدا كىرەدى. مۇنداي شىعىندار شاعىن جانە ورتا بيزنەستىڭ دامۋىنا سەرپىن بەرىپ, قىزمەت كورسەتۋ سالاسىن جانداندىرادى ءارى قالا ەكونوميكاسىنا مۋلتيپليكاتيۆتى اسەر ەتەدى.