«وتاندىق ستەيبلكوين تسيفرلىق يننوۆاتسيالاردى ءداستۇرلى قارجى ينفراقۇرىلىمىمەن بىرىكتىرىپ, كريپتو-فيات ارنالارىن كەڭەيتەدى. كريپتوۆاليۋتانى تەڭگەمەن بايلانعان ستەيبلكوينگە ايىرباستاۋعا ءارى كريپتوكارتالار ارقىلى ساۋدا جاساۋعا بولادى», دەدى باس بانك.
بىلتىر مەملەكەت باسشىسى تسيفرلىق قارجى ونىمدەرىن دامىتۋ تۋرالى تاپسىرما بەرگەن. ۇدەرىس قارقىندى ءجۇرىپ جاتىر. وسىعان بايلانىستى ۇلتتىق بانك توراعاسى تيمۋر سۇلەيمەنوۆ «قازىر ءتورت باعىت بويىنشا سەگىز قاناتقاقتى جوبا جۇزەگە اسىپ جاتىر, العاشقىسى – قازاقستان ستەيبلكوينى» دەدى.
32 كومپانيا بانكروتتىقتان امان قالدى
پروبلەمالىق كرەديتتەر قورىنىڭ مالىمدەۋىنشە, كەيىنگى جىلدارى اگرارلىق سەكتورداعى قارىزداردى قايتا قۇرىلىمداۋ شارالارىنىڭ ارقاسىندا 32 اۋىل شارۋاشىلىعى كومپانياسى بانكروت بولۋدان امان قالدى. قور 2019 جىلدان باستاپ اگروسەكتوردى ماقساتتى قولداۋدى كۇشەيتىپ, قارىز جۇكتەمەسىن ازايتۋعا, نەسيە مەرزىمىن ۇزارتۋعا ءارى مولشەرلەمەنى تومەندەتۋگە كومەكتەسىپ كەلەدى. بۇل مىڭداعان جۇمىس ورنىن ساقتاپ, ستراتەگيالىق نىسانداردى امان الىپ قالدى.
2023 جىلعى قۋاڭشىلىق پەن نوسەر كەزىندە دە قارىز شارتتارى قايتا قارالىپ, تولەمدەرگە جەڭىلدىك بەرىلدى. جاقتىر ەلەۆاتورى مەن «كاراجار اگرو-2019» سياقتى كاسىپورىندار قايتا جانداندى. قور دەرەگىنشە, بىلتىر 1,85 ملن توننادان استام ءونىم جينالىپ, 6,9 ملرد تەڭگە سالىق تولەندى.
تەحنولوگيالىق جاڭارتۋ جەتكىلىكسىز
ەلىمىزدە بيىلعى قاڭتار-تامىز ايلارىندا نەگىزگى كاپيتالعا سالىنعان ينۆەستيتسيا 14,3%-عا ءوستى. بىراق «Halyk Finance» زەرتتەۋى بويىنشا, شىلدەدەن باستاپ ءوسىم قارقىنى باسەڭدەگەن. ساراپشى سالتانات يگەنبەكوۆا مۇنىڭ ءبارى وتكەن جىلعى تومەن بازا اسەرىنىڭ السىرەۋى مەن ۇلتتىق قوردان بولىنەتىن ترانسفەرتتەردىڭ قىسقارۋىنا بايلانىستى دەيدى.
«ينۆەستيتسيالاردىڭ باسىم بولىگى قۇرىلىس پەن جوندەۋ جۇمىستارىنا باعىتتالىپ جاتىر, ال تەحنولوگيالىق جاڭارتۋ جەتكىلىكسىز. مۇنداي ءوسىمنىڭ تۇراقتىلىعى تومەن», دەيدى ول.
ماسەلەن, ءبىلىم سالاسىندا ەڭ جوعارى ءوسىم تىركەلسە (92%), وڭدەۋ ونەركاسىبىندە 34,3% بولدى. كولىك, ەنەرگەتيكا, جىلجىمايتىن م ۇلىك سالالارىندا دا ءوسىم بار.
