ەلوردا • 27 قىركۇيەك, 2025

الماتى وبلىسى استاناعا جارمەڭكەگە 180 توننا ءونىم جەتكىزدى

730 رەت

كورسەتىلدى

1 مين

وقۋ ءۇشىن

الماتى وبلىسىنان ەلورداعا ءداستۇرلى اۋىل شارۋاشىلىعى جارمەڭكەسىنە قاتىسۋ ءۇشىن شامامەن 180 توننا اۋىل شارۋاشىلىعى ءونىمى جەتكىزىلدى. استانالىقتار 40-تان استام ءتۇرلى ازىق-ت ۇلىك ونىمدەرىن ساتىپ الۋدا. ونىڭ ىشىندە 13 توننا ەت پەن قۇس ەتى, 25 توننا كوكونىس پەن جەمىس-جيدەك, سونداي-اق 21 توننا كارتوپ پەن تابيعي ونىمدەر بار. جارمەڭكەدەگى باعالار نارىقتاعىدان شامامەن 15%-عا تومەن, دەپ حابارلايدى Egemen.kz.

ۇلبوسىن يسابەك

الماتى وبلىسى استاناعا جارمەڭكەگە 180 توننا ءونىم جەتكىزدى

الماتى وبلىسى اكىمىنىڭ ورىنباسارى باقىتنۇر باقىت ۇلىنىڭ ايتۋىنشا, وڭىرلەر جىل سايىن جارمەڭكەگە قاتىسىپ, ەلوردا تۇرعىندارىنا ءوز ونىمدەرىن ۇسىنادى.

«بيىل ءبىز نەگىزگى باسىمدىقتى الما مەن ەت ونىمدەرىنە بەردىك, سونىمەن قاتار ءسۇت ونىمدەرىن دە الىپ كەلدىك. بۇل – ءبىزدىڭ وبلىستىڭ ەرەكشەلىگى», – دەدى ول.

بارلىق جۇك كولىكتەرى مىندەتتى تەحنيكالىق تەكسەرىستەن ءوتىپ, تاسىمالداۋ كەزىندە سانيتارلىق تالاپتار مەن قاۋىپسىزدىك شارالارى تولىق ساقتالعان.

الماتى وبلىسى.