«SMART تجكب» بىرىڭعاي اقپاراتتىق جۇيەسى ازىرلەنىپ, ول قاشىقتان وقىتۋ پلاتفورماسىن, ءبىلىم بەرۋ باعدارلامالارىنىڭ رەەسترىن, تجكب كارتاسىن جانە «قازاقستاننىڭ TOP-100 ستۋدەنتى» جوباسىن ءبىر پلاتفورماعا بىرىكتىرەدى. جۇيە ۇلتتىق ءبىلىم بەرۋ دەرەكتەر قورىمەن ينتەگراتسيالانىپ, ستاتيستيكالىق دەرەكتەردى جيناۋ مەن تالداۋدى اۆتوماتتاندىرۋعا مۇمكىندىك بەرەدى. جاڭا جۇيەنى تولىق ەنگىزۋ 2027 جىلعا جوسپارلانعان.
تسيفرلىق ينفراقۇرىلىمدى دامىتۋمەن قاتار, وقۋ پروتسەسىنە جاساندى ينتەللەكتكە نەگىزدەلگەن قۇرالدار ەنگىزىلمەك. ء«بىلىم بەرۋ باعدارلامالارىنىڭ رەەسترى» جۇيەسىن جەدەل جاڭارتىپ وتىرۋ ءۇشىن جي تەحنولوگيالارى قولدانىلاتىن بولادى. 2026–2027 جىلدارى ىسكە قوسىلۋى جوسپارلانعان ينتەللەكتۋالدى «كونسترۋكتور» مەملەكەتتىك ستاندارتتار, كاسىبي تالاپتار جانە ەڭبەك نارىعى سۇرانىسىنا سايكەس ءبىلىم باعدارلامالارىن اۆتوماتتى تۇردە ازىرلەۋگە مۇمكىندىك بەرەدى.
سونىمەن قاتار تالاپكەرلەرگە AI-اسسيستەنت ۇسىنىلادى. ۆيرتۋالدى كومەكشى ماماندىقتار جونىندە جەكەلەندىرىلگەن اقپارات بەرىپ, وقۋ ورنىن نەمەسە كاسىبي باعىتتى تاڭداۋعا كومەكتەسەدى, سۇراقتارعا ناقتى ءارى ينتەراكتيۆتى جاۋاپتار ۇسىنادى. وسىلايشا, بولاشاق ستۋدەنتتەر مەن ولاردىڭ اتا-انالارى تاۋلىك بويى قولجەتىمدى, تۇسىنىكتى ءارى سەنىمدى اقپارات الۋ مۇمكىندىگىنە يە بولادى.
