وقۋ-اعارتۋ مينيسترلىگىنىڭ مالىمەتىنشە, جاڭا بىرلەسكەن باعدارلامالار ستۋدەنتتەرگە قوسىمشا وقۋ جانە تاجىريبە مۇمكىندىكتەرىن ۇسىنىپ قانا قويماي, قازاقستاننىڭ ءبىلىم بەرۋ سالاسىنداعى حالىقارالىق بەدەلىن ارتتىرۋعا جول اشپاق. الداعى ۋاقىتتا جاھاندىق كامپۋستار قۇرۋ, اكادەميالىق ۇتقىرلىقتى كەڭەيتۋ, شەتەلدىك ستۋدەنتتەر مەن وقىتۋشىلاردى تارتۋ, سونداي-اق حالىقارالىق اككرەديتاتسيانى جۇزەگە اسىرۋ كوزدەلدى.
بۇدان بولەك, ستۋدەنتتەردىڭ كاسىبي بىلىكتىلىگىن حالىقارالىق دەڭگەيدە راستاۋ ماقساتىندا Certiport جوباسى ىسكە قوسىلدى. جوبا اياسىندا العاشقى 11 ستۋدەنت IT سالاسىندا حالىقارالىق سەرتيفيكاتتارعا يە بولىپ, جاھاندىق ەڭبەك نارىعىندا وزدەرىنىڭ باسەكەگە قابىلەتتىلىگىن دالەلدەدى.
شەتەلدىك سەرىكتەستەرمەن ورناتىلعان ىنتىماقتاستىق قازاقستان كوللەدجدەرىندەگى ءبىلىم بەرۋ ساپاسىن جاڭا دەڭگەيگە كوتەرىپ, جاستاردىڭ الەمدىك تاجىريبە مەن ستاندارتتارعا ساي كاسىبي بىلىكتىلىك الۋىنا مۇمكىندىك بەرەدى.
